ЯҢАЛЫКЛАР

             Бүген Лесхоз интернат-йорты коллективы кухня хезмәткәре Галимуллина Зөлфияне 50 яшьлек юбилее белән котлады.

             Бу көн үзенчәлекле, чөнки ул кеше тормышында мөһим этапны алып тора. 50 ел-еллар буе тупланган тәҗрибә һәм зирәклек чын хәзинәгә әйләнгән вакыт.

               Шушы ярты гасыр эчендә кеше күп санлы сынаулар, шатлыклар һәм кайгылар аша уза, уңышларга ирешә һәм уңышсызлыклар кичерә. Ләкин болар барысы да аны бүген — көчле, үз-үзенә ышанган һәм уңышлы кеше итә.

               Тормышның матур төсләр, кызыклы очрашулар һәм онытылмас тәэсирләр белән тулы булуын телибез. Һәр көн яңа мөмкинлекләр китерсен һәм яңа офыклар ачсын.

21 сентябрьдә приют хезмәткәрләре 2024 елгы “Милләтләр кроссы”нда катнаштылар. Сәламәт яшәү рәвеше өчен приютыбыз ел саен авыл җирлегендә уздырыла торган спорт чараларында рәхәтләнеп катнаша. Эстафета нәтиҗәләре буенча приютта тәрбияләнүчебез Яшина Полина башлангыч сыйныф укучылары арасында 2 нче урынны алды, приют хезмәткәре Миңнебаева О.С хатын-кызлар арасында 2 нче урынны яулады.

21 сентябрьдә приютыбыз "Кабак бәйрәме"ндә катнашты. Приют хезмәткәрләре тәрбияләнүчеләр белән бергә фотозоналар оештырдылар, кабактан бик күп ризыклар әзерләделәр һәм аларны тантаналы чарада актив тәкъдим иттеләр. Шулай ук балаларыбыз үзләре ясаган әйберләрдән һәм сувенир продукциясеннән күргәзмә оештырдылар. Барлык кунаклар да рәхәтләнеп сый-нигъмәтләрдән авыз иттеләр һәм безнең күргәзмә зонасын карадылар. Бәйрәмне оештыручылар безнең приютка мактаулы 3 урын бирделәр.

Бөтенроссия йөгерү көне кысаларында "Аргамак" картодромында «Милләтләр кроссы – 2024» спорт чарасы узды. Ярышларда директор Н.И. Дәүләтшин җитәкчелегендә Саба муниципаль районындагы «Балкыш» халыкка комплекслы социаль хезмәт күрсәтү үзәге хезмәткәрләре актив катнашты.

Бүген Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре  Байлар Сабасы гимназиясендә оештырылган иң текә «Беренчеләр» ярминкәсендә катнаштылар.

Автоном коммерцияле булмаган «Балкыш»-(Сияние)  тернәкләндерү үзәгендә көн саен социаль хезмәт алучылар  белән ял сәгатьләрендә куңелле чаралар үткәреп бара.

16  сентябрь көнне Лесхоз өлкәннәр һәм инвалидлар өчен интернат-йортында, Саба  үзәк  хастаханәсенең Лесхоз амбулаториясеннән табиб  Хәеров  Мөнир  Солтанбәк  улы күзәтчелегендә, хастаханә  хезмәткәрләре социаль  хезмәт  алучыларны совигрипп вакцинасы белән иммунизацияләделәр. Процедура  алдыннан   һәр  кеше   табиб  тикшерүе  үтте.

         Бу  вакцинация   грипптан  профилактика  максатыннан  үткәрелде. Вакцинациядән  сон , социаль  хезмәт  алучыларда бернинди  тискәре  нәтиҗәләр   дә  ачыкланмады.

17 сентябрь көнне Лесхоз өлкәннәр һәм инвалидлар өчен интернат-йортында, тәрбияче җитәкчелегендә, социаль хезмәтләр алучылар белән берлектә, көзге урманга экскурсия оештырылды.