ЯҢАЛЫКЛАР

28.12.2022 «Тургай» приютында Саба районы  социаль бүлеге начальнигы Гайнетдинова Лилия Нургаян кызы Яңа ел котлаулары һәм бүләкләре белән булды. Анын белэн бергэ, ТР Саба һәм Теләче районнары хәрби комиссариаты урынбасары Садыйков Айрат Камил улы, Саба районының "Юнармия" штабы начальнигы Вәлиуллин Дилүс Миндель улы; сугыш хәрәкәтләре ветераны Идрисов Илгизәр Миннебаевичта килде.

27 нче декабрьдә безнең балалар йортында Яңа ел бәйрәме узды. Быел бәйрәм Кыш бабайлар, Кар кызлары һәм әкият геройлары парады белән башланып китте. 

Яңа елда без барыбыз да могҗизаларга ышанабыз. Безнең алдыбызда тормышта тагын бер яңа бит ачыла. Без Яңа елга иң яхшы кәеф, иң изге теләкләр һәм якты хисләр белән керәбез. Яңа ел алдыннан без приютта тәрбияләнүчеләр белән фотозона оештырырга булдык.   Ул безнен бик матур килеп чыкты.

21 декабрьдә балалар йортында тәрбияләнүчеләр Арча районында, кечкенә Кырлай авылында урнашкан «Габдулла Тукай дәүләт әдәби - мемориаль музей комплексында» булдылар.

"Тургай" приютында тәрбияләнүчеләр һәм хезмәткәрләр "Яңа ел чыршысының иң яхшы бизәлеше"конкурсында катнашалар. Яна ел чыршысы һәм кар кисәкләре безнең приютны бизи. Алар безгә Яңа ел кәефе бирә. Барысын да яңа 2023 ел белән котлыйбыз.

Балалар йортының җирлекләре әкияти һәм тылсымлы илгә әверелде, анда яраткан әкият геройлары яши кебек. Кар фигуралары һәркемнең кәефен күтәрә.

Яңа ел фотозонасын бизәү-фотода яңа ел очрашуының иң истәлекле, иң кызыклы мизгелләрен төшерү өчен менә дигән мөмкинлек. Әлбәттә, алдан әзерләнмичә генә фотога яки видеога төшереп булыр иде, әмма матур җиһазландырылган фонда  видео да һәм фото да яхшырак килеп чыга.

Хәтердә бәйрәмнең әкияти атмосферасын саклап калу өчен Лесхоз өлкәннәр һәм инвалидлар өчен  интернат - йортында, хезмәткәрләр үз куллары белән кул астында булган әйберләрдән  яңа ел фотозонасын әзерләделәр.

17 декабрьдә безнең приютка РОО вәкилләре, Саба якташлары" килде.Остазлар мастер-класс барышында балаларны кул астындагы материаллардан яңа ел уенчыклары ясарга өйрәттелэр.Балалар үз куллары белән «Тылсымлы ай» ясадылар. Мастер-класс тәмамлангач, кунаклар барлык егет-кызларга төрле төстәге рюкзакларда Яңа ел бүләкләре тапшырдылар.

14 нче декабрьдә «Әкият» балалар бакчасы тәрбияләнүчеләре һәм коллектив безгә хәйрия концерты белән килде.

9 нчы декабрь көнне тәрбияләнүчеләр сәламәтлек ягыннан мөмкинлекләре чикле булганнарның XV «Кулны кулга тотыныйк, дуслар!» дип исемләнгән ачык иҗат фестивалендә катнашты.