ЯҢАЛЫКЛАР

12-16 март көннәрендә Мордовия Республикасының Саранск шәһәрендә «Интеллектуаль тайпылышлары булган кешеләр арасында өстәл теннисы буенча Россия Чемпионаты" узды.

«Балкыш» халыкка социаль хезмәт күрсәтү комплекслы үзәгенең социаль хезмәткәре Галимова Резеда үз эшендә “Библиотерапия” технологиясен куллана.

Бүген авыл китапханәсендә тәрбияләнүчеләр белән кызыклы, эчтәлекле китап укыдылар.

Уртага салып укылган китап турында фикер алыштылар, олы яшьтәге кешегә үзен генә түгел, шәхси проблемаларны һәм борчуларны да тулысынча аңларга, үз сорауларына җавап табарга ярдәм итә.

14 мартта Лесхоз өлкәннәр һәм инвалидлар өчен интернат-йортта "Саба ЦРБ" табиблары тарафыннан социаль хезмәтләр алучыларга диспансер тикшерүе үткәрелде.

Диспансерлаштыру барышында интернат-йортта яшәүчеләрне хирург, эндокринолог, невропатолог, отоларинголог, гинеколог, окулист, психиатр, уролог һәм терапевт караган. Медицина тикшерүе яки диспансерлаштыру авыруларны ачыклауга, аларның үсеш куркынычын бәяләүгә юнәлдерелгән. Процедура берничә табибка баруны, анализлар һәм тикшерүләр үткәрүне күздә тота.

Саба районы муниципаль социаль-тернәкләндерү консилиумы утырышлары расланган график нигезендә уза. Профилактика субъектлары килгән сигнал карталарны карадылар, гаиләләрнең торак-көнкүреш шартларын тикшерү актлары турында фикер алыштылар, ведомствоара исәптә торучы гаиләләр белән эшнең нәтиҗәләрен карадылар. МСРК утырышы материаллары балигъ булмаганнар эшләре һәм аларның хокукларын яклау буенча район комиссиясенә җибәрелде.

 «Тургай»  приютында төрле һөнәрләр нигезләрен өйрәнүгә юнәлдерелгән һөнәри юнәлеш бирү программалары буенча «педагог һәм остаз елы» хөрмәтенә педагог-остазы Башарова Рузилә Солтановна турында телевизион тапшыру оештырылды. Безнең тәрбияләнүчеләр үзләренең яраткан укытучылары турында материаллар әзерләделәр, видеоматериаллар төшерделәр. Әлеге иҗади проектны төшерүдә безгә «Саба дулкыннары» телерадиокомпаниясе ярдәм итте,ул безнең репортажны телевидениедә «Атна» мәгълүмати тапшыруында күрсәтәчәк.

 Приютта педагог һәм остаз елы хөрмәтенә «Бөтен бу дөньяны укытучы иҗат итә»дигэн кичэ утте.. Чараның төп герое-татар теле һәм әдәбияты укытучысы Ләйсән Мансур кызы булды. Ул хәзерге вакытта безнең приютта тәрбияче булып эшли. Ул узенен хезмэт юлын укытучы һөнэре буларак  башлый. Кичэ балаларга бик ошады.

8 март көнне Югары Утар балалар интернат-йортында бу көнне «Ягез әле, кызлар!” дип исемләнгән кызыклы һәм күңелле программа белән билгеләп үттеләр.

Байлар Сабасында яшәүче өлкән яшьтәге, социаль хезмәтләрдән файдаланучыга, өен су басудан  саклану максатыннан, өйгә барып социаль хезмәт күрсәтү бүлекчәсе социаль хезмәткәре Мәсләвиева Гөлшат Саба муниципаль районы сәләтле балалар өчен аерым фәннәрне тирәнтен өйрәнүче урта гомуми белем бирү мәктәп-интернаты "Тимуровчылар" хәрәкәтендә катнашучылар белән берлектә ярдәм күрсәттеләр. Алар ишегалдында да, урамда да карны чистарттылар.

 Бүген “Балкыш” халыкка комплекслы социаль ярдәм күрсәтү үзәге базасында өйгә барып социаль хезмәт күрсәтү бүлекчәсе социаль хезмәткәрләренең чираттагы айлык җыелышы булып узды. Киңәшмә барышында актуаль эш мәсьәләләре каралды: расланган исемлек буенча 80 яшь һәм аннан өлкәнрәк гражданнарны өйләренә (фатирларына) барып килү, социаль хезмәтләрдән файдаланучылар белән төрле чаралар оештыру турында.

Хезмәтне саклау һәм куркынычсызлык техникасы буенча инструктажлар үткәрделәр.

Саба муниципаль районының социаль яклау бүлегендә аз керемле гражданнарга социаль контракт нигезендә дәүләт социаль ярдәме күрсәтү буенча чираттагы ведомствоара комиссия узды.