ЯҢАЛЫКЛАР

6нчы февраль көнне Саба район китапханәсендә, Саба гимназиянең 1 "Г" сыйныф укучылары өчен  "Әлифба белән саубуллашу" бәйрәме уздырылды. “Әлифба бәйрәме” — балалар тормышында зур һәм мөһим вакыйга. Бу көнне беренче сыйныф укучылары белем дөньясына ишек ачкан беренче китаплары белән хушлаштылар. Чара Саба үзәкләштерелгән китапханәләр системасы директоры Билалова Ләйсән Рәкыйп кызының теләк, котлавы белән башланып китте. Аннары балалар  җырлар җырладылар, шигырьләр сөйләделәр, китап герое Буратино биргән биремнәрне активлык күрсәтеп җавап таптылар.Чара ахырында сыйныф җитәкчесе Сафина Г.Р.теләкләрен җиткереп күчтәнәч таратты. Үз чиратында әти-әниләрдә укучыларга истәлек бүләк- китап бүләк иттеләр.Чара китапларны яратып укучы Тедди аюның флешмобы белән тәмамланды.  Беренче сыйныф укучыларына укуларында уңышлар һәм һәрвакыт яхшы кәеф телибез.

06.02.2025 конне  Саба балалар сәнгать  мәктәбенең  3 класс хореография бүлеге  укучылары өчен Мөбарәкҗанова А.З. һәм Маликова Ч. Ф. тарафыннан наркомания турында әңгәмә үткәрелде. Әңгәмәнең максаты һәм бурычлары: наркотиклар куллануның нәтиҗәләре белән таныштыру, теләсә нинди наркотикның беренче пробасына тискәре мөнәсәбәт булдыру, наркотиклар белән мавыктырырга ниятләгән кешеләрне билгеләргә өйрәтү иде. Балалар наркотикларның зыяны турындагы видеороликны карадылар, аннан соң укучылар белән наркотик куллануның сәбәпләре, аларның сәламәтлеккә, укуга ничек йогынты ясавы, наркотикларга бәйлелек нәтиҗәләре һәм башкалар турында фикер алыштылар. Әңгәмә укучыларны сәламәт яшәү рәвеше алып барырга һәм наркотиклар белән танышудан мәңгегә баш тартырга өндәү белән тәмамланды.

Периодика-җәмгыятьнең рухи тормышының көзгесе. Бүген 5 февраль көнне Ике басу Арташ авыл китапханәсе « Ак калфак» клубы әгъзалары белән чираттагы очрашу – әңгәмә оештырды һәм вакытлы матбугатка күзәтү ясады. Бүгенге көндә популяр һәм укучылар тарафыннан укыла торган "Ватаным Татарстан" , "Татарстан яшьләре" газеталары, "Казан утлары", "Сөембикә", "Гаилә учагы" журналлары турында фикер алыштылар . Шулай ук үзләренең яраткан рубрикалары , журналларда мәкаләләре белән уртаклаштылар. Чара азагында китапханәче 2024 елга йомгак ясады һәм иң актив укучыларның исемнәрен атады.

5 февраль көнне Шәмәрдән авыл китапханәсендә мәктәпкәчә яшьтәге балалар өчен «Нинди сазлыклы көн!» дигән белем сәгате үтте. Чара барышында балалар планетабыз өчен сазлык экосистемаларының гаять зур әһәмияте, сулы-сазлыклы җирләр төшенчәсенә төче һәм тозлы күлләр, сазлыклар, торф сазлыклары, сазлыклы урманнар, елгалар, сусаклагычлар керүе турында белделәр. Сазлыкта яшәүчеләр һәм анда нәрсә үсүе турындагы табышмакларга җаваплар таптылар. Шулай ук сазлык, бакалар һәм сулы-сазлыклы җирләрдә яшәүче башка җан ияләре белән бәйле әкиятләрне искә төшерделәр.

5 февраль көнне Шәмәрдән авыл китапханәсендә «Дуслык» хатын-кызлар клубы өчен «Каюм Насыйри мирасы»шигъри сәгате үткәрелде. Әйдәп баручы китапханәче укучыларны XIX гасырның күренекле татар галиме-этнографы, әдәбиятчысы һәм мәгърифәтчесе Каюм Насыйри биографиясе һәм иҗаты белән таныштырды. Ярты гасырдан артык фәнни, әдәби һәм педагогик эшчәнлеге дәверендә нәфис әдәбият, фольклор, филология, педагогика, математика, тарих, география, астрономия һәм фәннең башка тармаклары буенча кырыкка якын хезмәт бастырып чыгаруын халык белде. Чара азагында кунаклар викторина сорауларына җавап бирделәр.

Журнал һәм газеталарда теләсә нинди тема буенча диярлек оператив мәгълүматлар бар. Тик аларны үз кызыксынуың  аша үткәрә белергә генә кирәк. Периодик басмалар ярдәмендә танып белү кызыксынуын киңәйтү, характерның иң яхшы сыйфатларын тәрбияләү өстендә эшләргә мөмкин. Шул максаттан, 3 февраль көнне Шәмәрдәннең "Балкыш" тернәкләндерү үзәгендә ял итүчеләр өчен "Газета-журналлар безнең тормышка ничек килде" дигән тарихи сәгать үткәрелде. Чарада кунаклар журнал һәм газеталар дөньясына мавыктыргыч сәяхәт ясадылар. Шулай ук барлык теләүчеләр яңа вакытлы матбугат белән дә таныша алды.

Сталинград сугышы - Бөек Ватан сугышының иң зур сугышы. Бу истәлекле вакыйгага багышлап  китапханщдә «Сталинград – ул....» батырлык сәгате үткәрелде  һәм «Сталинград батырлыгы» дигән тематик күргәзмә куелды. Биредә бу турыда генераль сражениедә сөйли торган материаллар тәкъдим ителде: документаль хроникалар, очерклар, шул вакыйгаларда катнашучыларның истәлекләре, сугыш күпме дәвам итте, тарихка нинди исемнәр һәм борылыш мизгелләре керде, рус һәм немец гаскәрләре белән кем җитәкчелек итте, шулай ук Бөек Ватан сугышына багышланган якташларның китаплары да куелды.

Соңгы елларда "скәке сүз вирусы " зур тизлек белән тарала. Һәм бу» вирус " кешелеккә тулысынча тәэсир итмәсен өчен 3 февральдә Олы Нырта авыл китапханәсендә профилактика сәгате үткәрелде, ул яшүсмерләрне скәке сүзләрнең кеше сәламәтлегенә һәлакәтле йогынтысы белән таныштыруга,. скәке сүзләргә һәм зарарлы гадәтләргә ныклы дошманлык формалашуга юнәлтелде. Китапханәче күбрәк матур әдәбият укырга тәкъдим итте.

Яшүсмерләр «Слово с большой буквы», «Заразные слова» әңгәмәләрендә катнаштылар һәм «Словодел» уенын уйнадылар.

4 февраль көнне Саба район балалар китапханәсе хезмәткәрләре Саба урта мәктәбенең башлангыч сыйныф укучыларына 1 февральдән 14 февральгә кадәр узачак "Утлы еллара кайтавазы" әдәби марафоны белән таныштырдылар. Марафон 4 биремнән торачак, балалар биремнәрне үтәп  дәфтәрләренә язарга тиеш булалар.

7 февральдә Татарстан Җөмһүриятенең дәүләт гербы көне билгеләп үтелә. Һәр дәүләтнең, илнең һәм Республиканың символлары бар. Символика-теләсә кайсы дәүләтнең мөһим өлеше. Татарстан Гербы куәт, көч, тарих һәм мәдәниятне гәүдәләндерә — барысы да бер сурәттә. Асылда зур булмаган сурәттә күп мәгънәләр гәүдәләндерелгән. Биредә Татарстан флагының барлык төсләре — ак, яшел, кызыл төсләре чагылдырылган.

4 февральдә Саба сәнгать мәктәбе укытучылары Вәлиева Д.Р. һәм Маликова Ч. Ф. музыка бүлеге укучыларына Татарстан Республикасының бу мөһим Дәүләт символының тарихы һәм әһәмияте турында сөйләделәр.