ЯҢАЛЫКЛАР

28нче декабрь көнне Саба район балалар китапханәсендә Саба гимназиясенең 4 “А” сыйныфы укучылары өчен (сыйныф җитәкчеләре Хөсәинова Г.Х.) “Мин китап кыстыргычлары ясыйм” дип исемләнгән мастер-класс үткәрелде. Китап укыганда кыстыргыч – кечкенә булса да, бик файдалы әйбер. Аның ярдәмендә китапларны уку һәм кирәкле битне табу уңайлырак. Укучылар барысы да бергәләп  китап  кыстыргычы ясадылар һәм үзләре теләгәнчә бизәделәр. Чара татар әдипләренең Яңа елга багышланган шигырьләрен уку белән үрелеп барды.

Мәхмүт Хасанов -  танылган татар язучысы. Г.Тукай исемендәге Татарстан дәүләт премиясе лауреаты. Вакыт сулышын, илдә булган үзгәрешләрне, яңа тенденцияләрне сизгән һәм моны үз әсәрләрендә югары сәнгатьчә чагылдыра алган язучы.
Кеше белән табигать арасындагы бәйләнешкә багышланган әсәрләрдә Мәхмүт Хасанов кеше белән табигатьнең гармониядә яшәвен күрсәтә. Табигатькә хөрмәт тәрбияләүгә, табигый ресурсларны рациональ куллануга зур игътибар бирелә. Моннан тыш, язучы табигатькә карашның тирән гуманистик мәгънәгә ия булуына басым ясый. 26 декабрьдә, Яңа Мичән авыл китапханәсендә, "Ак калфак" клубы әгъзалары белән, язучы Махмут Хасановның 95 еллыгы уңаеннан, "А җаганнар уйнаткан әдип" дигән  әдәби кунакханә үтте. Чара барышында китапханә язучының тормышы һәм иҗаты турында сөйләде. Катнашучылар  М. Хәсәновның укыган  китаплары турында искә төшерделәр. Әсәрләрнең асылы һәм мәгънәсе турында сөйләштеләр.

Саба район китапханәсенең уку залында “Өлкәннәр” клубының чираттагы утырышы узды. Яңа ел якынлаша! Ветераннар ел дәверендә “Өлкәннәр” клубына атна саен бик теләп килеп йөрделәр. 2022 ел аларны төрле кызыклы шәхесләр, предприятие җитәкчеләре белән очраштырды. Алар әдәби, тематик кичәләрдә катнаштылар, юбиляр язучылар белән  танышып бардылар, үзләренең юбилейларын да матур итеп үткәрделәр.  Ә бүген аларны котларга дип Кыш бабай һәм Кар кызы килделәр. Ветераннар бала чакларын искә төшереп шигырьләр сөйләделәр һәм Кыш бабайдан бүләкләр алдылар.

       “Яңа елны ничек каршы алсаң, ел да шулай үтәр!”- дигән юрама бар. Без китапханәчеләр өлкәннәргә ныклы сәламәтлек, бәхет-шатлыклардан торган озын гомер, тыныч күк йөзе телибез!

2022 елның 21 декабрендә Саба урман хуҗалыгы тарихы музеенда укучылар өчен «Россия тәңкәләрендәакчатарихы» дип исемләнгән танып-белү сәгате уздырылды. Балалар борынгы заманнардан башлап бүгенге көнгә кадәр акчаларның килеп чыгышы тарихы белән таныштылар. Традицион акча барлыкка килгәнче борынгы заманнарда акча ролен нинди әйберләр үтәгәнен белделәр. Шулай ук  беренче акчалар нинди булган, алтын һәм көмешне акча итеп ничек кулланганнар, илнең акча берәмлеге нәрсә ул сорауларына җаваплар таптылар.

Тиздән балаларның  көтеп алган зур бәйрәме якынлаша. Ул Яңа ел бәйрәме. Балалар Кыш бабайдан бүләкләр, күчтәнәчләр көтә, өйләргә бәйрәм рухы кертү өчен матур итеп өйне  бизиләр. Өй түрендә утыручы , бәйрәмнең төп бизәге булган  чыршыда җемелдәп янучы утлар янәшәсендә кулдан ясалган уенчыклар булу бик матур күренеш. Балаларга кар бөртекләре ясарга өйрәтү максатыннан 23 декабрь көнне Явлаштау авыл китапханәсендә “Яңа ел уенчыгы” дип исемләнгән конкурс уздырылды. Балалар белән кар бөртекләре ясадык, эш барышында  китаплардан әкиятләр, хикәяәр тыңладылар.  Ясаган кар бөртекләре  чыршыга эленде.

Яңа Мичән авыл китапханәсе авыл мәчетендә  әчеттә укучылар белән Бөек Болгар дәүләтендә ислам дине кабул ителүенә 1100 ел тулу уңаеннан, “Ислам  - яшәү рәвешебез” дигән мәгълүмәт сәгате үткәрде. Үткәрелгән чарада Мостафина Фәрдия апа  гарәп хәрефләренең язылышын өйрәтте. Китапханәче “ Иман нуры” дигән китап күргәзмәсенә күзәтү үткәрде.Чара  Мостафина Фәрдия апаның вәгазь сөйләве белән тәмамланды.

22 декабрь көнне Саба аграр көллияте студентлары өчен Саба балалар  сәнгать мәктәбе укучылары һәм укытучылары иҗат концерт тәкъдим итте. 

2022 елның 21 декабрендә Саба балалар сәнгать мәктәбенең отчет концерты һәм ата-аналар җыелышы узды.

Искиткеч яңа ел традициясенең кул эшләрен һөнәрләрен булдыру. Бу эшчәнлек балалар өчен генә түгел, ә олыларга да бик күңелле . Иң танылган Яңа ел уенчыгы -кар бөртеге . Кар бөртеге — Яңа ел өчен иң бәйрәм бизәлеше. Ак кәгазьдән  кар бөртеге — арзан һәм киемле Раштуа бизәлеше. Һәрберебез мәктәптә хезмәт дәресләрендә аларны нинди рәхәтлек белән кисүләрен хәтерлидер . Һәр укучының хәзер кире кайту һәм иң матур һәм иң оригиналь «кар матурлыгы»ясау мөмкинлеге бар! Олы Нырты авыл китапханәсе мөдире 3 нче сыйныф укучылары өчен кар бөртекләре ясау буенча мастер – класс үткәрде. Чараның максаты: кәгазьдән кар бөртекләрен кисәргә өйрәтү, 6 һәм 8 нур кар бөртекләрен кисү техникасы белән таныштыру, кайчы белән эшли белү, иҗат сәләте, хыял, фантазия, эстетик тәм үстерү, хезмәт сөючәнлек, сабырлык, пөхтәлек тәрбияләү, башланган эшне ахырына кадәр җиткерү теләге, якыннарыбызга һәм туганнарыбызга рәхәтләнеп эшләргә теләк тәрбияләү. Чараларны « Эдэби алан» проекты буенча эш белән дәвам иттеләр, анда дәфтәрләрдә биремнәрнең җавапларын яздырдылар .Мастер-классның барлык катнашучылары да зур ләззәт, шатлык һәм Яңа Ел кәефе алдылар!

20 декабрь көнне Оет авыл китапханәсе мөдире милли китапханәдә,  
" Моя история - мой Татарстан " Бөтенроссия бәйгесе җиңүчеләрен бүләкләү тантанасында катнашты. Китап укучы Хөсәинова Зилә Искәндәр кызы "Аларның батырлыгы үлемсез"номинациясендә җиңү яулап, ll дәрәҗә диплом һәм сертификат белән бүләкләнде.