ЯҢАЛЫКЛАР

2 декабрьдә тәрбия буенча директор киңәшчесе Хантимирова А.М. "Тимершык урта гомуми белем бирү мәктәбе" укучылары белән  “Сәламәтлек мөмкинлекләре чикләнгән балалар өчен Саба мәктәп-интернаты" балалар өчен мастер-класс күрсәттеләр. Традицион булмаган "Кышкы пейзаж" рәсемнәре ясадылар.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечләр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Тимершык авылында  авыл хуҗалыгы белгечләре өчен чираттагы йорт төзелә башлады.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерүне күздә тота.  Бүгенге көндә Тимершык авыл җирлегендә дә шушы программага нигезләнеп ике йорт төзелеп бетте.

Ел саен бөтен дөньяда ноябрьнең соңгы якшәмбесендә искиткеч бәйрәм-әниләр Көне билгеләп үтелә! Әниләр көне - күңелне нечкәртә торган бәйрәм, ул  безнең һәрберебезнең тормышында иң мөһим кеше – әни икәнен искә төшерә. 22 ноябрь көнне Кызыл-Мишә мәдәният йортында һәм китапханә хезмәткәрләре "Һәрвакыт булсын әни!» дигән ял кичәсе оештырдылар. Барлык концерт номерлары мәхәббәт һәм хөрмәт хисләре белән башкарылды.  Әниләргә җылы сүзләр, изге теләкләр, күңелгә үтеп керерлек шигырьләр, лирик һәм күңелле җырлар яңгырады. Кичәне әниләр катнашында «Безнең уен» интеллектуаль уены белән дәвам иттеләр. Уен җылы һәм дустанә атмосферада узды. Әниләр "Ханымнар" һәм "Супер әниләр" командаларына бүленде. Уен берничә турдан торды. Сорауларга җавап биргәндә, анда катнашучылар үзләренең эрудицияләрен һәм логик фикерләүләрен, вакыт чикләнгән шартларда стандарт булмаган ситуациядә карарлар кабул итә белүләрен күрсәтергә тиеш булдылар. Барлык сораулар да катнашучылар өчен кызыклы һәм мавыктыргыч булды. Жюри фикеренчә, әниләр биремнәрне уңышлы үтәделәр һәм дуслык җиңде. Чара ахырында барлык катнашучыларга да истәлекле бүләкләр тапшырылды. Кичәдән һәркем дә кәнәгать калды.

Агачларны кисү-катлаулы һәм кыйммәтле процесс. Ябалдашларның үсүе бинаның электр белән тәэмин итү линияләре яки элементлары (тәрәзәләр, түбәләр һ.б.) өчен куркыныч тудыра.  Тимершык авыл җирлегендә куркыныч агачларны кисү эшен «База проекты» ҖЧҖте башкарды.

13 ноябрь көнне Шәмәрдән мәдәният йортында  Россия Федерациясендә Гаилә елына багышланган «Буыннар тарихы - гаилә ядкаре» дип исемләнгән Республика шәҗәрә фестиваленең муниципаль этабы булып узды.
Тимершык авыл җирлеген авылда данлыклы тырыш хезмәт сөючән нәсел - Хаҗимулла оныклары тәкъдим итеп, 3 урынга лаек булдылар.
Әлеге күп хезмәт сораучы бәйгегә алар ныклап әзерләнделәр: ул чыгышлар, ул күргәзмә, пешкән ризыклар.
Авылыбызда нәсел чылбырын барлап, шәҗәрә төзүчеләр артуы, туганнарның тагын да якынаюы күңелгә әйтеп бетермәслек дәрәҗәдә рәхәтлек бирә. Әйдәгез, сез дә төзегез, балаларыбызга кадерле ядкәр калдырыйк.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.  Бүгенге көндә Тимершык авыл җирлегендә дә шушы программага нигезләнеп 5 йорт төзелеше алып барыла.

Тимершык авылы мәчетендә ремонт эшләре башкарылды. Мәчетнең манара тәрәзәләре пластик тәрәзәләргә алыштырылды. Бу эш авыл халкы ярдәме  белән башкарылды.

Миңгәр авылы һәйкәлендә ремонт эшләре булып узды. Косметик ремонт ясалды, стела тирәсендәге урын яңартылды. Бу игелекле гамәл авыл халкы ярдәме белән башкарылды.

3 ноябрь  көнне Миңгәр авылында яшәүче Фатхиева Фәния Фатхлислам кызы  90 яшьлек туган көнен билгеләп узды. Аны Тимершык авыл җирлеге башлыгы Хаҗиев А. Х.,  “Булгар”ҖЧ җәмгыяте исеменнән Ахунҗанов Р.Г., Саба муниципаль районы  социаль яклау идарәсе җитәкчесе Гайнутдинова Л.Н. котладылар һәм бүләкләр тапшырдылар. Алга таба да кәдер, хөрмәттә яшәвен телибез.