ЯҢАЛЫКЛАР

3 мартта ир-атлар арасында мини-футбол буенча район чемпионаты тәмамланды. Бүләкләү тантанасында яшьләр эшләре һәм спорт бүлеге җитәкчесе Гатиятуллин Азат Хөрмәт улы катнашты.

2026 елның 1 мартында «Саба – Арена» спорт» белем бирү муниципаль бюджет учреждениесендә "ТР шәхси кубогы - 2026 "ның 1нче турына сайлап алу ярышлары узды. Ярышларда Саба, Кукмара , Балтач һәм Теләче районнары спортчылары катнашты. Түбәндәге спортчылар чемпион һәм призер булды: 2011 елда туган һәм өлкәнрәкләр-В төркеме, ирләр: 1 урын - Галимуллин Рәсүл ( Байлар Сабасы) 2 урын- Мәүлетов Булат (Саба) 3 урын - Гайнетдинов Рәсүл ( Теләче), Сабиров Рүзәл (Балтач) 2011 елда туган һәм өлкәнрәк , кызлар: 1 урын - Җаббарова Фәридә ( Теләче) 2 урын-Саруханян Милена (Теләче) 3 урын-Васильева Ксения (Кукмара), Кельмакова Азалия (Кукмара) 2012 елда туган һәм кечерәк, малайлар: 1 урын-Идрисов Нияз (Саба) 2 урын-Сабиров Илназ ( Саба) 3 урын-Сафин Әгләм (Саба), Йомагулов Зөлфәт (Саба) 2012 елда туган һәм кечерәк, кызлар: 1 урын- Әхмәтшина Камила (Саба) 2 урын - Хәбибуллина Нәргизә(Саба) 3 урын - Гыйләҗева Тәнзилә (Теләче), Гыйләҗиева Мәдинә (Теләче) Чемпионнарны,тренерларны ,призерларны котлыйбыз һәм 2026 елның 14-15 мартында Базарлы Матак авылында узачак республика турында уңышлар телибез.

2026 елның 24 февраленнән 1 мартына кадәр Баулыда, авыл җирлегендәге гомуми белем бирү оешмалары һәм кече шәһәрләр командаларының 2012 елгы балалар һәм яшьрәк балалар арасында , шахмат буенча "Шахмат кыры" һәм "Дебют"  Татарстан Республикасы беренчелеге узды. Саба районы командасы аяусыз көрәштә иң көчле 8 команда («Шахмат кыры») арасында 5 нче урынны алды. «Дебют» турнирында 7 нче урынны яулады.

28 февральдә «Саба-Арена «урта мәктәбендә» Сәламәтлек «ХХІІІ Спартакиадасы кысаларында авыл районнары арасында шахмат буенча Татарстан Республикасы Чемпионаты узды.

Хатын-кызлар арасында:

1 урын-Гыйләҗева Әлфия (Кукмара районы)

2 урын - Гарифуллина Ландыш (Балтач районы)

3 урын Бутакова Галина (Зәй районы)

Ир-атлар арасында :

1 урын-Васильев Александр (Кукмара районы)

2 урын-Үтәгәнов Александр (Зәй районы)

3 урын-Сафин Марат (Аксубай районы)

Команда зачетында:

1 урын-Кукмара районы

2 урын-Зәй районы

3 урын-Балтач районы

Җиңүчеләрне Котлыйбыз. Татарстан Республикасы командасыннан Бөтенроссия ярышларында уңышлар телибез.

Язның беренче көне өстәл теннисы бүлегендә уңышлы булды.01 март көнне «Саба-Арена» УСК «Якшәмбе лигасы» нда катнашучыларны кабул итте.Топ лигада 12 дуэт көч сынашты. «Трейд металл» командасы Камил Вилданов пьедесталның өченче баскычына күтәрелде. Икенче урында - «КДМУ» дуэты (Казан дәүләт медицина университеты).Салават Заһидуллин-Газиз Даулиев икенче урынга күтәрелделәр. Лиганың җиңүчеләре булып «Тибхар» дуэты Илсаф Латыйпов белән Әлфис Вәлиуллин танылды. Икенче лигада 12 дуэт көч сынашты. Өченче урында "Феникс " хатын-кызлар дуэты Алинә Хәйруллина-Айзилә Шакирова.Икенче урында "Имеральд " дуэты Салават Сираҗиев-Ранель Петров. Җиңүче һәм топ лигага юллама иясе итеп «ВЕКА» дуэты-Иделия Сафина Алиана Әхмәтҗанова танылды.

Искиткеч уңыш!Кышның соңгы көнендә «Саба-Арена» спорт комплексында ХХIII "Сәламәтлек" Спартакиадасы кысаларында авыл районнары арасында өстәл теннисы буенча Татарстан Республикасы Чемпионаты узды. 14 ир-ат һәм 14 хатын-кыз көч сынашты.Турнирның өченче баскычына Биектау районы вәкиле Ирина Миндрюкова күтәрелде.Галина Гороховатченко икенче баскычка күтәрелде һәм Динара Исмаилова ялгыз разрядта җиңүен бәйрәм итте. Ир-атлар арасында пьедесталның өченче баскычына Яшел Үзән егете Марат Шәрәфиев күтәрелде. Икенче баскычка Сабадан Алмаз Гарипов менде. Шулай ук Сабалы Хайем Исмаилов җиңүче булды.Команда зачетында пьедесталның өченче урынында Аксубай районы командасы. Икенче урында-Биектау районы. Команда зачетында уңышны сабалылар беренче урынга күтәрелеп ныгыттылар. Җиңүчеләрне Котлыйбыз.Бөтенроссия ярышларында Татарстан Республикасы командасыннан уңышлы старт телибез.Форумда катнашучылар чаралар үткәрүдә яхшы тудырылган шартлар өчен рәхмәт белдерделәр.

21-23 февраль көннәрендә Казанда Ватанны саклаучылар көненә багышланган ветераннар арасында өстәл теннисы буенча төбәкара спорт ярышлары узды. Безнең спортчыбыз Павел Галанов 30-39 яшьләр категориясендә чемпион булды.

Казанда 24-27 февральдә "Бокс һәм өстәл теннисы үзәгендә" 14 яшькә кадәрге егетләр һәм кызлар арасында өстәл теннисы буенча Татарстан Республикасы беренчелеге узды. Парлы разрядта безнең спортчыбыз Илсаф Латыйпов(Саба) Евгений Пайков(Казан) белән парлы разрядта әлеге турнирның җиңүчеләре булдылар!Йосыпов Раян (Саба) Кәрим Асылгәрәев (Казан шәһәре) белән бергә бронза медальгә ия булдылар . Шулай ук ялгыз разрядта Илсаф Латыйпов көмеш медаль яулады! Спортчыларны котлыйбыз һәм алга таба уңышлар телибез!

Саба районы чемпионнары тау кадәр медальләр алып кайттылар! 20-23 февраль көннәрендә матур Суздальдә «Алтын пункт» дип аталган мавыктыргыч нард турниры узды, анда Саба районы командасы гаҗәеп осталык һәм җиңүгә омтылыш күрсәтте! Безнең спортчылар зур бүләкләр белән кайттылар:   4 алтын,  2 көмеш һәм  1 бронза медаль!  Безнең һәр катнашучыбыз – чын герой, әмма аеруча билгеләп үтәргә телибез: Мөхәммәтова Сафия (7-11 яшь): кыска нарда буенча алтын һәм озын нарда буенча бронзага лаек булды! Фазылов Илназ (12-14 яшь): "Озын нарда" дисциплинасында алтын! Кәримуллина Камилла (12-14 яшь): абсолют чемпион, озын һәм кыска нарда дада алтын яулады! Кәримуллина Сафия (7-11 яшь): командага ике дисциплинада да көмеш китерде! Бу Зур уңыш ярдәм һәм акыллы җитәкчелек булмаса мөмкин булмас иде. Россиянын нард Федерациясенә, Саба муниципаль районы башлыгы Рәис Нургали улы Миннехановка, Саба муниципаль районы яшьләр бүлегенә, хәрәкәтебезнең рухи илһамчылары Кәримуллин Рафаэль Котдус улына, Галиуллин Айнур Илнур улына, шулай ук безнең алыштыргысыз тренерыбызга, Бөтенроссия турнирлары призеры Сиринә Рәил кызы Мөхәммәтовага чын күңелдән рәхмәт белдерәбез!  Нәкъ менә шундый килешле тандем безгә яңа буын талантлы уенчылар формалаштырырга һәм Россиянең нард җәмгыятен үстерергә мөмкинлек бирә!

3 февраль көнне«Саба-Арена » спорт комплексында малайлар арасында Ватанны саклаучылар көненә багышланган рапираларда фехтование  турниры узды. Җиңүчеләргә һәм призерларга дипломнар һәм акчалата бүләкләр тапшырылды.