ЯҢАЛЫКЛАР

7 августта "Татарстанда җәй» проекты кысаларында Ике басу Арташ авыл китапханәсе мәдәният хезмәткәрләре белән берлектә саф һавада "Җәйге китапханә" укуын оештырды. Саф һавада балалар матур китаплар белән таныштылар. Һәрбер бала уку өчен китап сайлый, кычкырып укуда һәм укыганнар турында фикер алышуда катнаша алды. Чарада катнашучылар үзләрен чын китап сөючеләр итеп күрсәттеләр.

Танылган татар язучысы, публицисты, җәмәгать эшлеклесе, татар телендә күпсанлы романнар, повестьлар, хикәяләр, пьесалар авторы Мәдинә Маликовага 90 яшь тулу уңаеннан Саба үзәк китапханәсендә "Өлкәннәр" дип исемләнгән ветераннар клубы өчен "Мендем биек тауларга" - әдәби сәгать үткәрелде. Авторның китапларын татар әдәбиятын яратучыларның берничә буыны мавыгып укый, аның пьесалары Татарстан Республикасы театрлары сәхнәләрендә куела. Язучының әсәрләрендәге төп геройлар - актив, мавыктыргыч, кызыклы шәхесләр. Алар кеше бу дөньяга тормышны яхшырак һәм игелеклерәк итү өчен килә дип ышаналар. 2017 елда "Арыш тәме" романы өчен Мәдинә Маликова ТРның Г.Тукай исемендәге премиясе белән бүләкләнде.

6 август көнне Саба район китапханәсе янында урнашкан "Тукай" паркында аэройога буенча инструктор Гөлия Гилязиева белән очрашу узды. Очрашуда китапханә каршында эшләп килүче клуб берләшмәләренә йөрүче өлкән яшьтәге хатын-кызлар "Йога" юнәлеше белән  таныштылар .  Чарада катнашучылар бик кызыксынып тыңладылар һәм күнегүләр эшләделәр.

Саба урман хуҗалыгы тарихы музеенда 2025 елның 30 июлендә «Бөек Ватан сугышы елларында агач әзерләү»темасына активистлар утырышы үткәрелде. Музей хезмәткәрләре урман эшкәртү эшен оештыру турындагы тарихи фактларны ачарга һәм җыярга ниятләгәннәр иде. Бу тема безнең якның һәр кешесе өчен, бигрәк тә нәфис хатын-кызларыбыз өчен бик мөһим һәм якын. Бөек Ватан сугышы елларында хатын-кызлар, фронтка киткән ир-атларны алыштырып, агач хәзерләүгә зур өлеш кертәләр. Алар урман кисүдә, агач эшкәртүдә, шулай ук армияне һәм тылны агач белән тәэмин итүдә зур хезмәт куйганнар.

«Күрше» фестивале «Безнең ишегалды» программасының дәвамы һәм ил масштабында моңарчы күрелмәгән проект. Әлеге бәйгегә Татарстан Республикасы Рәисе Рөстәм Миңнеханов старт биргән иде. «Күрше» фестивале – халык арасында күршелек культурасын үстерүгә, Татарстан ишегалларында гаилә һәм күршелек традицияләрен ныгытуга юнәлдерелгән проект. Анда үзләре яшәгән ишегалларында кызыклы вакыйгалар үткәрергә теләгән инициативалы гражданнар һәм моңа әзер булган оешмалар катнашты. Ә бу проектта җиңеп чыккан үзмәшгульләр исә күпфатирлы йортларда яшәүчеләр өчен бик кызыклы, эчтәлекле һәм шәп чаралар үткәрәчәк.

Шундый чараларның беренчесе Байлар Сабасының Тынычлык урамында әлеге проектта катнашып грант откан Алисә Гимадиева тарафыннан үткәрелде. Саба мәдәният бүлеге, Саба үзәкләштерелгән музейлар системасы белән берлектә “Халкымның күңел бизәкләре” дип исемләнгән чара үтте.

 Әлеге чара кабаттан 15 августта Байлар Сабасының Дальняя урамында узачак.

Барлык китапханәләр өчен дә җәйге каникул вакытында җәйге уку программалары буенча китап белән эшләү традициягә әверелде. Чөнки җәйге укулар балаларда китап белән кызыксынуны активлаштыра, уку культурасына күнектерә, балалар фантазиясен һәм иҗади сәләтләрен үстерә. 24июль көнне Шәмәрдән авыл китапханәсе балалар өчен саф һавада «табигатькә һәм укы!"Балалар ялы вакытында китапханәче балалар басмаларына күзәтү ясады, кыскача балалар язучылары һәм әкиятчеләр турында сөйләде. Табигатьтә балалар матур басмаларны рәхәтләнеп карадылар, тылсымлы әкиятләрнең, Балалар китапларының гаҗәеп битләрен ачып карадылар.

Җәй балаларга күп шатлыклар китерә — кояш, коену, уеннар.
24 июль көнне Саба район китапханәсендә "Китаплы җәй" проекты кысаларында балалар өчен «Саба йөзү бассейны»  директоры Сафина Г. И. белән "Суда сак булыйк" дип исемләнгән мәгълүмати-профилактик әңгәмә үткәрелде.
Сафина Г.И. балалар белән суда куркынычсызлык кагыйдәләре турында сөйләште, су янында ял иткәндә саклык чаралары турында искә төшерде. Шулай ук балаларга рөхсәт ителгән урыннарда һәм өлкәннәр белән бергә генә коенырга мөмкин, суда шаярырга, чикләү билгеләреннән йөзәргә, таныш булмаган урында суга чумарга һәм сикерергә ярамый, дип аңлатты. Чара азагында Сафина Г.И. балаларга бәхетле җәйге каникуллар теләде.
Аннары балалар Тукай паркында Ш.Галиев, М.Пришвин әсәрләрен укып, дәфтәрләренә әсәрләрнең төп геройларын яздылар. "Ямьле-Саба" яр буена төшеп чәчәкләрдән беләзек ясау мастер-классы белән тәмамланды.

2025 елның 23 июлендә Саба урман хуҗалыгы тарихы музеенда балалар  өчен «Оста куллар»дип исемләнгән мастер-класс үткәрелде. Музей хезмәткәрләре чарада катнашучыларны декоратив-гамәли сәнгатьнең кайбер төрләре, технологияләрне һәм материалларны тикшерү ысуллары белән таныштырдылар. Аннары катнашучылар үзләренең барлык фантазияләрен чынбарлыкка аштырдылар.

Гаилә-һәр кеше тормышында иң мөһиме. Без нәкъ менә гаиләдә мәхәббәткә, җаваплылыкка, кайгыртуга, бер-беребезне хөрмәт итәргә өйрәнәбез.  Шәмәрдән авылы китапханәсендә «Балкыш» тернәкләндерү үзәгендә ял итүчеләр өчен «Мәхәббәт белән җылытылган гаилә һәрвакыт ышанычлы һәм нык» дигән конкурс программасы үткәрелде. Әңгәмә барышында ныклы һәм бәхетле гаиләнең нигезе булган гаилә кыйммәтләре турында сөйләштеләр. Һәр катнашучы гаилә бәхете серләре белән уртаклашты, гаилә традицияләре һәм мавыгулары турында сөйләде, гаилә тормышыннан җылы истәлекләргә чумды. Ахырда укучылар тематик күргәзмәдә тәкъдим ителгән әдәбият белән таныштылар.

Иштуган авыл китапханәсе «Почтальон Кузькин белән Россия почтасы көне» дигән танып белү-уен программасы үткәрде. Чараның мактаулы кунагы хат ташучы Кузькин булды. Ул катнашучыларны почтальон һөнәре, почтаның элемтә чарасы буларак билгеләнеше, почта җибәрүләренең төрле төрләре: хат, почта открыткасы, марка, телеграмма, бандерольләр, шулай ук почта тартмасының тарихы белән таныштырды.

Алып баручының сөйләвеннән балалар төрле заманнарда һәм төрле халыкларда булган почтаның төрле төрләре турында белделәр. Моннан тыш, балалар Кузькин белән бергә уеннар уйнадылар, табышмакларны чиштеләр. Почтальон Кузькин малайлар янына буш кул белән килмәде, бәлки балаларга тәм-том салынган посылка китерде.