ЯҢАЛЫКЛАР

Бигәнәй мәдәният йорты һәм китапханә хезмәткәрләре «Татарстанда Кыш» проекты кысаларында балалар өчен урамда «кышкы күңел ачулар» уен программасы оештырдылар. Кыш көне саф һавада хәрәкәтчән уеннар зур шатлык китерә һәм аларның сәламәтлегенә бәяләп бетергесез файда китерә. Балалар барлык уеннарда һәм эстафеталарда рәхәтләнеп катнаштылар. Эстафетаны үткәргәндә ярыш моменты булуга карамастан ,чарада күңелле һәм дустанә атмосфера сизелде. Чанада шуу кышкы бәхетле ялның чын символына әверелде, ул безгә онытылмаслык шатлык һәм күңел ачу мизгелләрен бүләк итә.

Тылсымлы әкиятләр-балачагыбызның иң кадерле истәлекләре, бигрәк тә кыш һәм аның гаҗәеп бәйрәмнәре турында сүз чыкканда. Югары Шытсу авыл китапханәсендә яшь китап укучылар өчен «Кар әкиятләре» дигән викторина үткәрелде. Чара барышында балалар кышкы әкиятләр буенча кызыклы сәяхәт ясадылар, кыш һәм Яңа ел бәйрәмнәре турындагы иң яхшы әсәрләрне искә төшерделәр. Аннары алар Кыш бабайның викторина сорауларына җавап бирделәр, рәхәтләнеп «Кышкы әкиятләрдә кунакта» уенын уйнадылар, табышмакларга җаваплар таптылар. Балалар барлык биремнәрне дә яхшы үтәделәр һәм бик күп яраткан кышкы әкиятләрне искә төшерделәр. Балалар күңелле һәм мавыктыргыч итеп вакыт уздырдылар, уңай хис-кичерешләр һәм бүләкләр алдылар.

Яңа ел чаралары кысаларында Юлбат авыл китапханәсендә «Карлы  кышның назлы әкияте»дигән күңелле ял сәгате узды. Яшь укучылар кышкы әкиятнең тылсымлы дөньясына сәяхәт иттеләр. Балалар рәхәтләнеп үзләренең нинди әкиятләр укырга яратулары турында сөйләделәр, яраткан әкият геройлары турындагы табышмакларны чиштеләр, әкиятләрне һәм әкият геройларын-хайваннарны искә төшерделәр. Төрле-төрле биремнәр чишелде: табышмактан әкият героен тану; тәкъдим ителгән рәсемнәр арасыннан теге яки бу әкияткә туры килгәннәрен генә сайлап алу; бу җырларның кайсы әкияттән икәнен билгеләү; бу сүзләрнең кайсы әкият героена караганын билгеләү. Китап күргәзмәсе һәм өстәл курчак театры оештырылды .Чара ахырында балалар тарафыннан "Дүрт дус"әкияте сәхнәләштерелде.

9 январь көнне Олыяз мәдәният йорты һәм китапханә мөдирләре балалар белән мавыктыргыч этнографик экспедиция– «Как встречают новых год люди всех земных широт»исемле виртуаль сәяхәт ясадылар. Безнең планета буйлап мавыктыргыч сәяхәттә катнашучылар аны төрле илләрдә ничек төрлечә каршы алуларын белделәр, әмма һәр җирдә бу бәйрәмнең уртак яклары бар: бәхеткә өмет, иминлек һәм яхшы киләчәккә өмет. Россия, Һиндстан, Кытай, Швеция, Австрия, Япония һәм башка бик күп илләрдә яңа елны бәйрәм итү традицияләре белән таныштык. Балалар гаиләләрендә яңа елны бәйрәм итүнең нинди традицияләре булуы турында сөйләделәр, яңа ел ребусларын һәм табышмакларын чиштеләр, викторина сорауларына җавап бирделәр.

9 январь көнне китапханәче «Кешеләргә шатлык бүләк итү өчен игелекле һәм әдәпле булырга кирәк»дигән әдәплелек дәресе үткәрде. Дәрес башында китапханәче балаларга әдәплелек турында сөйләде. Әдәпле кеше - ул һичшиксез Этикет һәм яхшы гадәтләр белгече. Әдәплелек кешеләргә бер - берсенең җәмгыятендә үзләрен уңайлы хис итәргә һәм мөнәсәбәтләрдә киеренкелекне булдырмаска мөмкинлек бирә. Балалар өчен «әдәпле-әдәпсез» һәм «Тылсымлы сүзләр "уеннары," тәрбияле кешеме син?" викторинасы уздырылды.Ахырда алар үзләренең яхшы сыйфатларын үз рәсемнәрендә чагылдырдылар.

Саба туган якны өйрәнү музеенда Теләче районы кунаклары өчен гипс сыннары һәм агач әйберләр ясау буенча бәйрәм мастер-классы оештырылды. Шулай ук экскурсия дә үткәрелде.

Балаларның кышкы каникулларын күңелле һәм мавыктыргыч итеп үткәрү максатыннан Сатыш авылы мәдрәсә музеенда “Кышкы могҗиза” дип исемләнгән мастер класс оештырылды.

 9 гыйнвар көнне, Байлар Сабасының үзәк мәйданы чын бәйрәм һәм  тылсым атмосферасы белән тулды.

Чара башыннан  балалар чын күңелдән уеннар һәм күңел ачу  дөньясына чумдылар. Командаларга бүленеп, күңелле ярышларда катнаштылар. Ел символын кыю иярләп, туп белән оста идарә итү, "Паровозик" та күңелле йөгерү һәм бик күп башка мавыктыргыч уеннарда катнаштылар. Бергәләп әйлән - бәйлән уйнау һәм Кыш бабай, Кар кызы белән уеннарда шатланып катнашу балаларның күңелләрен күтәрде. Яшь талантларга аерым игътибар бирелде: балалар горурланып үзләренең шигырьләрен сөйләделәр, ә кыю биючеләр беркемне дә битараф калдырмаган ялкынлы флешмоб күрсәттеләр.

Балалар сәнгать мәктәбе укучылары, тамашачыларга төрле номерлар күрсәтеп, үзләренең иҗади сәләтләрен күрсәттеләр.

Бәйрәм азагында һәр катнашучыга Кыш бабайдан һәм бүгенге чараны оештыручыдан татлы күчтәнәчләр, матур бүләкләр тапшырылды.

Искиткеч чараны «Иген» авыл хуҗалыгы кооперативы оештырды, ул онытылмаслык атмосфера булдыру өчен бөтен көчен куйды.

Җыелган халыкка  котлау сүзе белән «Иген» авыл хуҗалыгы кооперативы директоры Зарипов Зөлфәт Зөфәр улы мөрәҗәгать итте. Ул Байлар Сабасында яшәүчеләрне Яңа ел белән котлады, аларга ныклы сәламәтлек, иминлек һәм яңа елда чиксез шатлык теләде.

8 январьдан башлап ТР Мәдәният Министрлыгы, бөек татар шагыйре Габдулла Тукай тууына 140 ел уңаеннан, "Тукайны бергәләп укыйбыз. Читаем Тукая вместе" республикакүләм проектына старт бирә.
Тукай укулары "Туган тел" шигыре белән башланып китәчәк.
8 январь көнне Саба Үзәк китапханәсе дә "Өлкәннәр" клубы белән бу проектка кушылып китте.
#ТукайныБергәләпУкыйбыз
#ЧитаемТукаяВместе

«Музей һәм балалар» атналыгы кысаларында ,7 январь көнне Олыяз мәдәният йорты һәм китапханә мөдирләре музей сәгате үткәрделәр. Чара туган якның тарихи хәтерен саклауга һәм авылның, районыбызның үткәне турындагы белемнәрне яшь буынга тапшыруга багышланган иде. Музей сәгате белән район һәм республика музейлары буйлап виртуаль экскурсия үткәрелде һәм хәзерге вакыйганы берләштереп, тарих турында тулы күзаллау тупланды. Безнең район музейлары экспозицияләре туган як тарихын күзәтергә, аның мәдәнияте һәм традицияләре белән танышырга мөмкинлек бирде. Чарада катнашучылар арасында патриотизм һәм тарихи мираска хөрмәт тәрбияләүдә мөһим адым булды.