ЯҢАЛЫКЛАР

21 сентябрь көнне Саба балалар сәнгать мәктәбенең«Асылташ» бию  коллективы (җитәкчесе Гарипова Г.М.) волейбол буенча «ТР Волейбол федерациясе Президенты Кубогы» ярышларын ачу тантанасында катнашты.

Керәнне авылы клубында 15 сентябрь көнне "Эх,тәмле бәрәңге" дип исемләнгән бәрәңге бәйрәме үткәрелде.Бәйрәмдә бәрәңгедән эшләнмәләр, иң үзенчәлекле бәрәңгеләр, бәрәңгедән пешерелгән ризыклардан күргәзмәләр оештырылды. Бәйрәм бәрәңге турында шигырь,җырлар ,күңелле уеннар, концерт программасы,җыр- бию,уен-көлке белән үрелеп алып барылды.Авылның олысы - кечесе казан асып пешерелгән итле бәрәңге шулпасы,учакта тәгәрәткән бәрәңгедән авыз итте.

13 сентябрь көнне Шәмәрдән авыл мәдәният йорты хезмәткәрләре һәм мәдәният йорты каршында эшләп килүче үзешчән сәнгать сөючеләр Мичәнбаш авыл клубы мөдире белән берлектә Мичәнбаш авылында күршеләр көне үткәрделәр. Кичәнең программасы үз эченә сәнгатьнең төрле жанрдагы концерт номерларын алган иде. Артистларның чыгышы белән беррәттән конкурслар да булды, анда барлык теләүчеләр дә катнаша алды. Шулай ук җыелган халык өчен сый-нигъмәт белән өстәлләр әзерләнгән иде. Чара дискотека белән тәмамланды.

12 нче сентябрьдә Саба балалар сәнгать мәктәбендә ТАССР төзелүнең 100 еллыгын чагылдырган мастер-класс үткәрелде.

"Мәрхәмәтлелек ул - кеше кайгысын уртаклаша алу һәм кешеләргә ярдәм итү сәләте. Мәрхәмәтле булу безгә кылган гамәлләребезнең башка кешеләргә ни дәрәҗәдә йогынты ясавын аңларга ярдәм итә. Мәхәббәт һәм түземлек йөрәкләрне «җанландырырга», аларны яратучы һәм мәрхәмәтле итәргә сәләтле». Көзге мәрхәмәтлелек атнасы кысаларында 10 сентябрь көнне Югары Симет мәдәният йортында "Елмаю бүләк ит"акциясе үткәрелде. Бу көнне мәдәният йорты хезмәткәрләре балалар белән бергә үтеп баручыларны елмаюлар һәм комплиментлар белән каршы алдылар, шулай ук аларга изге гамәлләр кылырга тәкъдим иттеләр. Үз чиратында акциядә катнашучылар да аларга җавап итеп рәхмәт сүзләре җиткерделәр . Аларның йөзләрендә, чыннан да шатлык хисләре балкыды.

30 август көнне "Ямьле Саба" яр буенда "Туган җирем - Татарстан!"Республика көненә багышланган. Концерт программасында район мәдәният йорты үзешчәннәре һәм белгечләре катнашты.

29 август көнне  "Газпром Трансгаз Казан" җаваплылыгы чикләнгән җәмгыятендә "Нефть һәм газ сәнәгате хезмәткәрләре көненә"багышланган бәйрәм чарасында "Экспромт" бию коллективы катнашты.

26 август көнне Кече Шыңар мәдәният йорты каршында эшләп килүче “Рәшә” агитбригадасы ындыр табагында игенчеләрне котлап концерт куйдылар. Игеннәр мул булсын, табыныбыз түрендә һәрчак түгәрәк икмәк торсын.

23 август көнне үзәк мәйданда Россия Федерациясенең Дәүләт флагы көненә багышланган яшьләр концерты булды

ХӨРМӘТЛЕ ӘТИ-ӘНИЛӘР !!!
БАЛАГЫЗНЫҢ ТИРӘ-ЮНЬДӘГЕЛӘРНЕ ТАЛАНТЫ БЕЛӘН ШАККАТЫРЫРГА, ЯШЬТӘШЛӘРЕ АРАСЫНДА ҖИҢЕЛ ҺӘМ ЫШАНЫЧЛЫ РӘВЕШТӘ РАСЛАНЫРГА, ҮЗ ЭШЧӘНЛЕГЕНДӘ УҢЫШЛЫ БУЛУЫН  ТЕЛИСЕЗ ИКӘН:

АНЫ БЕЗГӘ, ХӨСНУЛЛА ҺӘМ АЛЛАҺИЯР ВАЛИУЛЛИННАР ИСЕМЕНДӘГЕ САБА БАЛАЛАР СӘНГАТЬ МӘКТӘБЕНӘ АЛЫП КИЛЕГЕЗ. 
ӘГӘР БАЛА МУЗЫКА ЯРАТА ИКӘН, БЕЗ АНЫ ҖЫРЛАРГА, БИЕРГӘ, ФОРТЕПИАНО, БАЯН, ТАЛЬЯН, КУРАЙ ҺӘМ СКРИПКАДА УЙНАРГА ӨЙРӘТӘБЕЗ.

Әгәр балагыз рәсем ясарга ярата – Без аны сәнгать бүлегенә кабул итәбез

Сезне Байлар Сабасы  З. Йосыпов ур., 32 йорт адресы буенча көтәбез

 САЙЛАП АЛУ ҺӘМ ДОКУМЕНТЛАРНЫ ТАПШЫРУ СРОКЛАРЫ:
27.08.2019
9.00 сәгатьтән 13. 00 кадәр