ЯҢАЛЫКЛАР

Көз-матур вакыт! Елның алтын чоры. Нәкъ менә шул ел фасылы турында күп кенә әсәрләр язылган. Балаларны таныштырып, ел фасылының үзенчәлекләре һәм аның билгеләре турында сөйлибез. Көзнең иң кызган чагында 10 сентябрь көнне Мамалай авыл клубы мөдире «Кояшкай» балалар бакчасында «Көзге фантазияләр» дип исемләнгән мастер-класс үткәрде. Үз эшләрендә балалар төрле табигый материаллар: миләш, кызыл карлыган, яфраклар, карабодай, чәчәкләр һәм ботаклар кулландылар. Һәр эшкә күпме иҗат, уйлап табулар, фантазияләр салынган иде. Эшләнмәләр бик үзенчәлекле килеп чыкты.

9 сентябрь көнне, Балалар сәнгать мәктәбендә, укучылар өчен кызыклы һәм файдалы очрашу оештырылды. Республикабызның танылган артисты Хәбибуллин Ядекәр  Зәкәрия улы җитәкчелегендә, вокал һәм баян классларында укучылар өчен, сәхнә осталыгына өйрәтү буенча мастер-класс күрсәтелде. Ядекәр Зәкәрия улы укучыларны татар эстрада музыкасы тарихы, республикабызда музыка сәнгатенең үсеше һәм хәзерге көне белән дә таныштырды. Дәүлиева Г.Р. җитәкчелегендәге вокалистларыбызның чыгышы, кунакларыбыз тарафыннан югары бәяләнде, алкышларга күмелде. Бу очрашу, укучыларыбызның танып- белү, иҗади сәләтләрен үстерүдә, аларга әхлакый- патриотик тәрбия бирүдә максатчан эш булып тора, киләчәктә һөнәр сайлауда кызыксыну уята.

9 сентябрь көнне Килдебәк авыл мәдәният йорты хезмәткәрләре, китапханәче белән берлектә, Килдебәк авылы халкы өчен «Капка янында» дип исемләнгән кич утыру оештырдылар.
Кич утыру - ул безгә мирас буенча килгән халык гореф-гадәтләренең берсе.
Чарада катнашучылар кич белән капка янында күңелле аралашу өчен җыелдылар. Мондый очрашулар гадәти тормышны төрлеләндерергә ярдәм итә.
һәр авылда үз кич утырулар булган. Аларда үзләрен күрсәтергә, башкаларга карарга, такмаклар әйтергә, халык җырларын, көлкеле җырлар җырларга һәм күңел ачарга җыелганнар. Шулай итеп әкиятләр, җырлар, мәкальләр, әйтемнәр, уеннар барлыкка килгән.

8 сентябрь көнне Шәмәрдән авыл мәдәният йорты хезмәткәрләре " Җыр сөючеләр «мәдәният йорты каршындагы үзешчән сәнгать белән берлектә» Балкыш «социаль - тернәкләндерү үзәгендә ял итүчеләр өчен» җырлыйк бергә, бер күрешү-үзе бер гомер «дип исемләнгән хәйрия концерты оештырдылар. Бәйрәм программасында тамашачылар иң матур концерт номерларын күрделәр. Концертның беренче минутларыннан ук матур һәм сокландыргыч атмосфера барлыкка килде. Концерт кунаклары бик канәгать калдылар, чөнки уңай энергия заряды гына түгел, яхшы кәеф тә алдылар. Концерт бер сулышта узды.

Саба балалар сәнгать  мәктәбе укучылары  белән экстремизм һәм террорга каршы профилактик чара-флешмоб оештырылды.

Татарстан һәм Башкортстан Республикасының халык артисты, Россия Федерациясенең атказанган артисты Салават Фәтхетдинов Саба районында кунакта булып китте. Ул район халкы белән очрашты, мәдәният учреждениеләре эшчәнлеге белән танышты, Курсабаш авыл мәдәният йорты, Иләбәр авыл клубы үзешчәннәре белән аралашты. "Өлкәннәр", "Сөембикә"клубы әгъзаларының күпсанлы сорауларына җавап бирде. Соңыннан "Ямьле Саба" яр буенда үзенең җырларын җырлады, район халкы аны җылы каршы алды һәм яратып тыңлады.

3 сентябрь көнне район мәдәният йортында мәдәният бүлеге хезмәткәрләренең чираттагы семинары булып узды.

Семинар сайлау алды агитациясе белән башланды. Шуннан соң котлау һәм сертификатлар тапшыру тантаналарына күчтеләр.

Очрашу барышында түгәрәкләрнең эш планы каралды, документлар тикшерелде, административ мәсьәләләр чишелде һәм төбәкара конкурсларда алга таба катнашу турында фикер алыштылар.

Шекше мәдәният йорты хезмәткәрләре яшьләр өчен Курск сугышында (1943) совет гаскәрләренең җиңү көненә багышланган «Курск юнәлеше» дигән квест-уен үткәрделәр һәм кино көненә багышланган «Курск сугышы. Җиңәргә вакыт» дигән хәрби фильм карадылар. Уен вакытында балалар биш станцияне уздылар: «тарихи», «медицина», «спорт», «мәдәни» һәм «җиңү», анда беренче ярдәм күрсәтү буенча үзләренең осталыкларын, тарихи белемнәрен, физик чыдамлыкларын һәм вокал буенча талантларын күрсәттеләр. Кичәнең икенче өлешендә яшьләр документаль фильм карадылар һәм тәэсирләре белән уртаклаштылар.

Чара "Шекше яшьләре&Шекше кичләре" проекты кысаларында оештырылды.

"Җырлы балачак".

"Созвездие-Йолдызлык “фестиваль хәрәкәте театрын ачу уңаеннан видеокотлаулар төшерелде”