ЯҢАЛЫКЛАР

Безнең укучыларыбыз кая гына  барсалар да сынатмыйлар. Һәрвакыт зур җиңүләр белән кайталар.  Декабрь аенда  Йошкар-Ола шәһәренең Яшьләр сараенда "Музыкаль экспресс" Бөтенроссия конкурсы узды. МББУ "Х. һәм А.Вәлиуллиннар исемендәге Саба балалар сәнгать мәктәбе"  Шәмәрдән филиалы укучылары актив катнашты.

Кешелек барлыкка килгәннән бирле ул һәрвакыт өйрәтү, тәрбияләү, остаз булу ихтыяҗын кичергән. Укытучы укучыларга тәҗрибә һәм белем бирә, тиз үзгәрүче дөньяга яраклашырга, мөстәкыйль һәм үз-үзенә ышанган кешеләр булырга ярдәм итә. 16 декабрьдә Шәмәрдән модель китапханәсе китапханәчеләре «Мәктәп дөньясы» фотокүргәзмәсен ясадылар. Биредә язучы педагогларның мәктәп турындагы хикәяләре, шулай ук танылган педагогика эшлеклеләренең биографияләре, Шәмәрдән мәктәбенең төрле еллардагы фотосурәтләре тәкъдим ителде. Күргәзмә мәктәп яшендәге укучылар өчен генә түгел, өлкән буын вәкилләренә дә кызыклы булды.

16 декабрьдә Казан шәһәрендә И. В. Ленинның «Тормыш ритмында!» проекты кысаларында VIII Республика заманча эстрада иҗаты фестиваль-конкурсы узды. Анда Экспромт хореография коллективы һәм аның солистлары (җитәкчесе Давыдова А.М.) чыгыш ясады.

2023 елның 16 декабрендә "Н.И. Фешин исемендәге Казан училищесында" "ТAT∙АRS∙TAN" конкурс хәрәкәте кысаларында, яшь талантлар республика конкурсына йомгаклар ясалды. Анда МББУ"Х. Һәм А.Вәлиуллиннар исемендәге Саба балалар сәнгать мәктәбе"  укучылары катнашты. Конкурсның жюри алдына катлаулы бурыч куелды - сурәтләү һәм декоратив-гамәли юнәлештә күпсанлы эшләрдән иң яхшы эшләрне билгеләү. Декоратив-гамәли номинациядә 1 нче урынны Галимуллина Зөлфия Илнур кызы алды, укытучысы Газизова Гүзәл Равил кызы.

Кыш айлары – ул , кар һәм  чаналарда шуу вакыты гына түгел. Бу әле илһам булдыру өчен искиткеч матур һәм кызыклы вакыт та. 16 декабрь көнне Олы Нырты авыл китапханәсе мөдире балалар өчен «Зимушка-зима» дип исемләнгән рәсем конкурсы оештырды. Балалар елның иң матур фасылының сынамышларын һәм үзенчәлекләрен зур канәгатьләнү белән санап үттеләр, кыш турында табышмакларга җавап бирделәр һәм иҗади эштә бик теләп катнаштылар. Үз эшләрендә балалар чана һәм чангы шуу, Кар сыннары, Кыш бабай белән Кар кызы, кышкы табигать матурлыгын ясауны алар өчен шатлык икәнен күрсәттеләр. Балалар өчен рәсем конкурсы һәрвакыт кызыклы һәм файдалы чара, чөнки алар рәсем ясарга һәм бер-берсенә үз рәсемнәрен күрсәтергә бик яраталар.

Саба урман хуҗалыгы тарихы музее хезмәткәрләре яшь кунаклар өчен «Яшь нумизмат» дип исемләнгән танып белү сәгате үткәрделәр. Балалар акчаның килеп чыгышы тарихы белән  таныштылар; гадәти акча барлыкка килгәнче кешеләрнең ничек сату иткәнен белделәр; беренче акча нинди булган, алтын һәм көмешне акча буларак ничек кулланганнар; илнең акча берәмлеге нәрсә ул һәм башка күп сорауларга җавап таптылар.

Татар китабының дәрәҗәсен күтәрүдә бик мөһим урын алып торган Бөтендөнья әдәби марафоны инде егерме бишенче тапкыр үткәрелде.   13 декабрь көнне Казан шәһәре  К. Тинчурин исемендәге Татар дәүләт драма һәм комедия театрында  әдәби марафон җиңүчеләрен тәбрикләү тантанасы булып узды. Бөтен дөньядагы китап сөючеләрне берләштергән, аларга яраткан язучылары белән аралашу мөмкинлеге тудырган әлеге очрашу зур бәйрәмгә әйләнде. 2019 нчы елдан бирле беренчелекне бирмәгән Саба районы бу юлы да төп җиңүче дип табылды.

Декабрь- йомгак ясау ае! Казан шәһәрендә "В ритме времени" халыкара сәнгать конкурсы узды, анда Хөснулла һәм Аллаһияр Вәлиуллиннар исемендәге Саба сәнгать мәктәбе укучылары катнашты. Конкурс талантлы укучыларны һәм укытучыларны ачыклау, аларга ярдәм итү, балалар һәм яшүсмерләр иҗатын стимуллаштыру һәм үстерү өчен оештырылган.

Россиядә Ватан геройлары көне 9 декабрьдә билгеләп үтелә. Бу Россия Федерациясенең истәлекле датасы - Россия империясенең иң югары хәрби бүләге - Изге Георгий Орденына багышланган. Әлеге датага багышлап Олы Кибәче авылы китапханәсендә «Гордость Отчизны» искә алу сәгате үткәрелде. Ватан Геройлары көне уңаеннан безнең районның каһарман шәхесләре турында сөйләдек, укучыларны әлеге көннең тарихы белән таныштырдык, үткәннәрнең данлыклы гаскәр башлыклары - Александр Суворов, Фёдор Ушаков, Михаил Кутузов турында да сүз барды. Һәйкәлгә чәчәкләр салдылар һәм бер минутлык тынлык белән сугышта катнашучыларны искә алдык. Чара барышында сугыш елларындагы шигырьләр һәм җырлар яңгырады.

Мәктәп укучылары өчен "Җиңү юллары" мәдәни-агарту программасы кысаларында, 07.12.2023 көнне "Хөснулла һәм Аллаһияр Вәлиуллиннар исемендәге Саба балалар сәнгать мәктәбе" муниципаль бюджет мәгариф учреждениесендә укытучылар Әхмәтшина  З.Р.,  Мөбарәкҗанова А.З.,  Мәликова Ч.Ф., Шәмсивалиев  И.З. Саба сәнгать мәктәбенең хореография бүлегенең 2-3 класс укучылары белән истәлек дәресе үткәрде. Укытучылар балаларга бу датаның тарихы һәм традицияләре турында сөйләделәр. Шулай ук балалар видеоролик һәм "Исемең билгесез, батырлыгың үлемсез" темасына презентация карадылар. Чара азагында укучылар һәм укытучылар Байлар Сабасы үзәгендәге Билгесез Солдат һәйкәленә чәчәкләр салдылар.