ЯҢАЛЫКЛАР

2021 елның 12 гыйнвар көнендә 14.00 сәгатьтә Саба муниципаль районының халыкка комплекслы социаль хезмәт күрсәтү үзәге “Балкыш” дәүләт автоном учреҗдениесендә әти-әниләре алиментлар түләүдән баш тарткан балалар тәрбияләүче гаиләләргә  хокукый ярдәм күрсәтү  максатыннан Бердәм кабул итү көне үткәрелде. Комиссияда социаль яклау бүлеге, мәшгульлек үзәге белгечләре, Саба муниципаль районы башкарма комитеты юристы катнашты.

2021 елның 4 гыйнварында Югары Утар балалар йорты -интернатында тәрбияче Тимергалиева Рузилә "Әкиятләр, могҗизалар һәм тылсымлык вакыты" темасына әңгәмә үткәрде.

Декабрь ае балаларның иң яраткан бәйрәмнәрен ,“Яңа ел” бәйрәмен алып килүче ай. Безнең балалар йортына да Кыш бабай белән Кар кызы килде. Алар балаларга тау шуарга чаналар һәм бик күп бүләкләр алып килделәр.    

2020 елның 24 нче декабрендә Югары Утар акылга зәгыйфь булган балалар йорты – интернатында  “Тылсымлы Яңа ел бәйрәме” исемле балалар утреннигы үткәрелде.

Автоном коммерцияле булмаган «Балкыш»-(Сияние)  тернәкләндерү үзәгендә социаль хезмәт алучыларга врач күрсәтмәсе нигезендә  эрбет  мичкәсе ярдәмендә дәвалау курслары үткәрелә.

Югары Утар балалар йортында яңа ел алдыннан янгын куркынычсызлыгы буенча инструктаж үткәрү максатыннан , ТРның янгын куркынычсызлыгы буенча Саба отрядының Шәмәрдән посты начальнигы Р.Р. Кәримуллин булып китте.

2020 елның 8 нче декабрьндә  Югары Утар акылга зәгыйфь балалар йорты – интернатында тәрбияче Фазлыева Л.Х. “Теләк агачы“ дип исемләнгән күңел ачу чарасы үткәрде

 2020нче елның 3нче декабрендә  Югары-Утар балалар йортында тәрбияләнүчеләр катнашында «Батырларга мәңгелек хәтер» акциясендә катнаштылар. Бөек Ватан сугышында Курсабаш авыл җирлегенең һәлак булган сугышчылар истәлегенә куелган һәйкәлгә чәчәкләр салынды, шулай ук Курсабаш коррекция мәктәбе укытучылары һәм мәдәният йорты хезмәткәрләре дә катнашты.

Татарстан Республикасы хезмәт, халыкны эш белән тәэмин итү һәм социаль яклау министрлыгының Саба муниципаль районындагы «Балкыш» халыкка комплекслы  социаль ярдәм күрсәтү үзәгенең гаилә һәм балалар белән эшләү бүлекчәсе белгечләре  мөмкинлекләре чикле балалар һәм аларның ата-аналары белән даими рәвештә дәресләр уздыралар. Мондый балаларга әйләнә-тирәлекнең төрлелеген күрергә, ишетергә, тоярга, өлкәннәр дөньясына керергә, аларга үзара ярдәм итәргә, үз-үзеңне үстерергә һәм шул ук вакытта үз сәламәтлегеңне кайгыртырга ярдәм итәргә булышалар.

Балаларның гармонияле үсешенең мәҗбүри шартларыннан берсе-сәламәт яшәү рәвешен булдыру. Моның өчен хәрәкәтчән уеннар, сулыш гимнастикасы, ирекле пластика элементлары кулланылды. Хәрәкәт һәм уен-балалар тормышының мөһим компонентлары. Хәрәкәт һәм бию балага башка балалар белән дуслашырга ярдәм итә, психотерапевтик эффект бирә, балалар иҗатын үстерә. Балалар тугәрәктә бик яратып шөгыльләнәләр.