ЯҢАЛЫКЛАР

«SabaBalahoner» муниципаль программасы үз эшен каникул вакытында да дәвам итте. Балалар иҗат үзәгендә паспортлар һәм Ак Барс банкта барслар алганнан соң, Саба гимназиясенең 5 сыйныф укучылары бу көннәрдә күп кенә станцияләрдә булып, иминият агенты, энергетика буенча инспектор, финанс инспекторы һәм ветеринар һөнәренең серләрен үзләштерергә өлгерделәр.

Бүген, 3 ноябрь көнне Балалар Иҗат үзәгенең “Мин - волонтер” һәм ”Хореография” түгәрәкләрендә шөгыльләнүче укучылар Халыклар бердәмлеге көне уңаеннан “Без бергә!” флешмоб акциясен үткәрделәр.

3 ноябрь көнне  Балалар Иҗат үзәгендә шөгыльләнүче укучылар онлайн форматта Арт – тимбилдингта катнашты. 3 укучыдан торган команда профессиональ дизайнер һәм рәссамнар җитәкчелегендә, Татарстан Республикасындагы халыклар һәм мәдәният бердәмлеген чагылдырган арт – абстракция тудырдылар.  

Шәмәрдәннең  ”Әкият” балалар бакчасында эш стажлары 1-3 елга кадәр булган бакча мөдирләре һәм өлкән тәрбиячеләр  өчен  семинар булып узды.

Мәктәпләрдә көзге каникуллар 2-8 ноябрь көннәрендә узачак. 2 нче ноябрьдән районның 871 укучысы 19 мәктәп яны лагерьларында ял итә алачак.

Явлаштау урта мәктәбендә 7 сыйныф укучылары белән физкультура укытучысы Фазылов И.И. дәрес-әңгәмә формасында «ГТО-Сәламәтлеккә юл» темасына сыйныф сәгате үткәрде. Балалар «Спорт казанышлары» дигән блиц-сораштыруда актив катнаштылар.

“Саба дулкыннары” телевидениесендә “Мәктәп ТВ” тапшыруы эшләп килә. Әлеге тапшыру журналистлары безнең мәктәптә дә булып, укучыларның нәрсә белән шөгыльләнүләре, мәктәпнең нинди тормыш белән яшәве турында сюжет әзерләделәр.

Көз-фантазияңне һәм иҗади сәләтеңне күрсәтү өчен бик кулай вакыт. Олы Кибәче урта гомуми белем бирү мәктәбендә әлеге ел фасылына багышланган “Алтын көз” бәйрәме узды.

Ә.А.Ахунҗанов исемендәге Олы Шыңар урта гомуми белем бирү мәктәбендә  5-8 сыйныфлар арасында “Алтын көз” һәм 9-11 сыйныфлар арасында “Көзге КВН” бәйрәме үткәрелде.

Бүген 23 нче  октябрь көнне Балалар иҗат үзәге базасында район балалар Думасы активы һәм педагог-оештыручылар катнашында киңәшмә булып узды.