ЯҢАЛЫКЛАР

15 февраль - Әфган сугышында катнашучылар өчен үзенчәлекле көн. Бу сугышта Шәйдуллин Фердинанд Харис улы үзенең интернациональ бурычын үтәп батырларча һәлак була. Әлеге вакыйга уңаеннан Язлы Арташ авыл клубында Олы Ныртын мәдәният йорты һәм китапханәсе, Чабя - Чурчи авыл клубы , Ике басу Арташ авыл китапханәсе, шулай ук Лесхоз урта гомуми белем бирү мәктәбе һәм Олы Арташ төп гомуми белем бирү мәктәбе Совет гаскәрләрен Әфганстаннан чыгаруга 37 ел тулуга багышланган митинг үткәрелде

Фердинанд Шәйдуллин 1969-нчы елның 7-нче ноябрендә Татарстан АССРның Саба районы Язлы Арташ авылында туа. Хәрби хезмәткә 1987-нче елның 26-нчы ноябрендә алына. Әфганстан Республикасында СССР дәүләт чигенең куркынычсызлыгын тәэмин иткәндә 12 хәрби операциядә, рейдларда, транспорт колонналарын үткәрүдә катнашкан, шул ук вакытта батырлык һәм кыюлык күрсәткән. Фердинад Харис улы Шәйдуллин Әфган сугышында үзенең интернациональ бурычын үтәгәндә батырларча һәлак була. Ул үлгәннән соң Кызыл Йолдыз ордены белән бүләкләнде.

Тарихта онытырга, тормыштан сызып ташларга мөмкин булган битләр юк. Халык хәтере алдында Вакыт көчсез. Сугышчы - интернационалистның, Ватанны саклаучының батыр образы төрле конфликтларда катнашкан барлык хәрби хезмәткәрләрнең хөрмәт һәм казанышларын тану символына әверелде.

Олы Арташ башлангыч гомуми белем бирү мәктәбендә беренче сыйныф укучылары очен «Сау бул Әлифба» бэйрэме уткэрелде. Укучылар бэйрэмдэ шигырьлэр сойлэделэр, матур жырлар жырладылар, биеделэр хэм «Белем доньясы» тукталышында узлэренен белемнэрен сынадылар. Укучыларга хэм сыйныф житэкчесе Сиринэ Рафаилевнага алга таба да зур унышлар телибез.

2 февральдә Ике басу Арташ авылында яшәүче Арташ Сәхәбиева Гайма Рәҗәп кызы үзенең 90 яшьлек юбилеен билгеләп үтә. Аны котладылар һәм бүләкләр тапшырдылар Арташ авыл җирлеге башлыгы Мөхәрләмов Р. И., Саба муниципаль районында ТР МТЗ һәм СЗ ОСЗ начальнигы Гайнетдинова Л. Н., «Нырты» АХП ҖЧҖ баш икътисадчысы Вәлиева И.С.

Бу истәлекле көндә сезгә ныклы сәламәтлек, күңел җылысы һәм якыннарыгызның игътибарын телисем килә. Һәр көн шатлык һәм бәхет китерсен, янәшәдә ярдәм итәргә һәм кайгыртучанлык белән әйләндереп алырга әзер булган яратучан кешеләр булсын. Өегездә һәрвакыт тынычлык, җыйнаклык һәм гармония хөкем сөрсен.

2026 нче елның 31 нчы гыйнварында Арташ авыл җирлегендә 2025 елдагы эшчәнлек нәтиҗәләре буенча еллык хисап җыелышы булды. Көн тәртибендә түбәндәге мәсьәләләр каралды: Участок вәкаләтчесе Сахабиев Алмаз Альбертович чыгышы. Иске Икшермә янгын сүндерү бүлеге башлыгы  Салахиев Фанис Фаизович чыгышы. Урманчылык инспекторы  Гильметдинов Айрат Саетович чыгышы. Арташ авыл җирлегендәге бюджет оешмалары җитәкчеләренең 2025 елда үз оешмаларындагы эшчәнлек нәтиҗәләре буенча чыгышлары. Арташ авыл җирлеге башлыгының 2025 елда эшләгән эшләргә еллык отчеты.Узган елгы җыенда бирелгән сорауларның үтәлеше. Сораулар, тәкъдимнәр, төрлеләр.Саба муниципаль районы башлыгы урынбасары Закирзянов Р.Р. йомгаклау сүзе.

2026 елның 27 февралендә Ике Басу Арташ мәдәният йортында Саба муниципаль районы авыл хуҗалыгы һәм азык-төлек идарәсе башлыгы Г.Ш. Хәсәншин катнашында “Нырты” авыл хуҗалыгы предприятиясенең 2025 ел өчен хуҗалык эшчәнлеге йомгаклары буенча хисап җыелышы булып узды. 2024 елдагы эшчәнлек нәтиҗәләре һәм 2026 елда эшне камилләштерү планнары турында җәмгыять баш белгечләр чыгыш ясады. Юбилярларны һәм хуҗалык алдынгыларын котладылар

Олы Арташ башлангыч гомумбелем бирү мәктәбенең 4 нче сыйныф укучысы Аглямзянова Азалия «Парикмахерское искусство" компетенциясендэ 2 нче урынга лаек булды. Азалияне хэм анын житэкчесе Махмутова С. Р. ны чын кунелдэн котлыйбыз, алга таба да унышлар телибез

 Ике басу Арташ авылы волонтерлары һәрвакыт хәрәкәттә. Яңа ел бәйрәмнәрендә волонтерлар СВО сугышчылары өчен пилмән һәм өй токмачы әзерләделәр. Сезнең фидакарьлегегез һәм армый – талмый хезмәтегез-безнең уртак җиңүебезгә бәяләп бетергесез өлеш. "Нырты "АХП" ҖЧҖ директоры Дәүләтҗанов Ильяс Илдус улына күрсәткән ярдәме өчен зур рәхмәт әйтәсебез килә.

Каникуллар-һәрвакыт бәйрәм, ә кышкы каникуллар-икеләтә бәйрәм. "Татарстанда Кыш" проекты кысаларында 10 гыйнварда Язлы Арташ авыл клубы мөдире балалар белән таудан чана һәм ватрушкаларда шуу һәм кышкы уеннар оештырды. Балаларның һәм өлкәннәрнең шат һәм бәхетле йөзләре, көлү һәм күңел ачу - кышкы бәйрәм көннәрендә саф салкын һавада иң яхшы күңел ачу чарасы. Кышкы җылы һава торышы, яхшы кәеф яхшы ял итүгә ярдәм итте. Балалар шудылар, уйнадылар, көлделәр, шаярдылар. Барысы да канәгать калды, бик күп хис-кичерешләр һәм яхшы кәеф алды.

7 январь көнне Язлы Арташ авыл клубында «Өлешемэ тигэн комешем» исемле искиткеч балалар Яңа Ел лотереясе булып узды. Бу чара бездә традициягә әйләнде. Бүләкләр төрле иде: тәм-томнар, иҗат җыелмалары, уенчыклар. Балаларның шатлыгы һәм шатлыгы чиксез иде. Балалар үзләренең бүләкләре турында фикер алыштылар һәм шатлыклары белән уртаклаштылар. Бу чара балаларга да, өлкәннәргә дә ошады!

Яңа ел-барлык балаларның яраткан әкияти бәйрәме. Аны әкияткә һәм могҗизага ышанып көтәләр. 3 январь көнне Язлы Арташ авыл клубында Арташ авыл китапханәсе белән берлектә «Ә бездә Яңа ел, чыршы кунакка чакыра» исемле театральләштерелгән балалар Яңа ел бәйрәме үткәрелде . Программада биюләр, җырлар, геройлар белән уеннар булды, балалар шигырьләр сөйләделәр һәм әйлән-бәйлән уйнадылар. Төрле төстәге, ялтырап торган гирляндалар һәм бизәкле чыршы балаларга могҗиза тудырды. Күңелле уен программасы барысын да әкият дөньясына чакырды. Балалар конкурсларда һәм уеннарда катнаштылар. Тамашадан соң барлык балалар да Кыш Бабайдан татлы бүләк алдылар. Бәйрәм мавыктыргыч, күңелле узды һәм балаларга бик күп шатлык һәм күңел ачулар китерде. Һәр баланың йөрәгенә бәйрәмнең бер өлешен кертүебезгә без бик шат идек