ЯҢАЛЫКЛАР

10 апрель көнне Юлбат авыл китапханәсе «Минем һөнәрем - китапханәче» дип исемләнгән һөнәри юнәлеш бирү дәресе үткәрде.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечләр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Юлбат авылында  бюджетта эшләүче белгеч өчен чираттагы йорт төзелеше дәвам итә.

7 апрель - Бөтендөнья сәламәтлек көне. Шул уңайдан Юлбат авыл китапханәсе фельдшер белән берлектә сәламәт яшәү рәвешен формалаштыру максатыннан «Сәламәт тәндә - сәламәт рух» дип исемләнгән әңгәмә үткәрде. 

 5 апрель көнне Юлбат авыл китапханәсе мәктәп укучылары белән «Мәктәп укучылары өчен мәдәният» проекты (цифрлы мәдәният блогы) кысаларында рус халык әкияте көненә багышланган «Рус халык әкияте көне» дип исемләнгән әдәби сәгать үткәрде. 

Тенеки авыл эчендәге күпердә капиталь ремонт дәвам итә, нигезен ныгыту эшләре бара. Эшне ООО "Базовый проект" оешмасы башкара.

Ватанны саклаучылар елы һәм Бөек Ватан сугышында Җиңүнең 80 еллыгы уңаеннан Юлбат авыл китапханәсе «Сугышның кырыс еллары» дип исемләнгән патриотик сәгать үткәрде. 

ҖЧ «Юлбат» АХ җәмгыятененең тракторларына һәм авыл хуҗалыгы машиналарына техник карау үткәрелде.

27 март көнне Юлбат авыл китапханәсе «Театр яктылыкка, нурга  илтә...»  дип исемләнгән театр һәм сәнгать кешеләре турындагы китаплар җыелмасы, театр тарихы, режиссерлар, танылган актерлар турында күргәзмә тәкъдим итте. Юлбат мәдәният йорты сәхнәсендә уйналган тамашаларның фоторәсемнәр карау мөмкинлеге дә булды.

26 март көнне Юлбат авыл китапханәсе өстәл уеннары көне үткәрде. Өстәл уеннары - эрудицияне үстерү, сүзлек запасын тулыландыру, логик фикерләүне яхшырту һәм күңелле ял итү өчен менә дигән ысул. Алар акылны гына түгел, характерны да үстерәләр: тырышлык тәрбиялиләр, катнашучыларны йөреш чиратын сакларга, гомуми кагыйдәләр буенча уйнарга, үзләренең җиңүенә генә түгел, дусларының җиңүенә дә сөенергә өйрәтәләр. Бүгенге көн яшь катнашучыларга өстәл уеннарының мавыктыргыч дөньясына чумарга мөмкинлек бирде. Катнашучылар үзләренең яраткан өстәл уеннарын рәхәтләнеп уйнадылар, пазллар җыйдылар.

Юлбат авыл китапханәсендә «Яз килде» дип исемләнгән кызыклы танып белү сәгате үткәрелде. Катнашучылар яз турындагы мәкальләрне һәм әйтемнәрне искә төшерделәр, табигать турындагы әкият һәм хикәя геройларын атадылар.