ЯҢАЛЫКЛАР

  «4» ноябрь - Халыклар бердәмлеге көне. Бу бәйрәм 2005 елдан билгеләп үтелсә дә, аның тарихы ерак 17 гасырга барып тоташа. Иләбәр авыл китапханәсе һәм клуб хезмәткәрләре бу уңайдан «Без көчле бердәм халык» дип исемләнгән тарих сәгате уздырдылар. Китапханәче китап күргәзмәсенә нигезләнеп укучыларга бәйрәмнең асылы,килеп чыгу тарихы турында бай мәгълүмат җиткерде. «Дуслык-бердәмлек нигезе» дигән уен викторинада  катнашып укучылар сорауларга җавап бирделәр. Бердәмлек темасына стена газетасы чыгарылды,рәсем конкурсы уздырылды.

Китап – кеше тормышында зур әһәмияткә ия. Югары технологияләр, компьютер заманында кеше барыбер китапсыз яши алмый. Укучыда китапка кызыксыну уяту өчен аны төрле чаралар аша тәкъдим итә белергә кирәк. Иләбәр авыл китапханәчесе,  Өтернәс авыл клубында яңа кайткан  һәм  укучылар  тарафыннан яратылып укый  торган китапларны тәкъдим итү максатыннан, «Китап - күңел көзгесе» дигән исем астында танып-белү сәгате уздырды. Күргәзмәгә куелган китапларга күзәтү ясалды, иң кызыклы җиреннән өзекләр укылды.

Илэбэр авылында яшәуче Хөсәенова Роза Габделкаюм кызы 90 яшьлек юбилеен билгеләп үтте. Юбилярга Саба муниципаль районы башкарма комитеты аппараты житэкчесе М.Р.Каримов Президент котлавын тапшырды. Шулай ук Эзмә авыл җирлеге җитәкчесе А.Р.Шәйхетдинов юбилярны котлап, бүләкләде. 

19 октябрь көнне 13.00 сәгатьтә бөтен дөнья буенча «Татарча диктант-2019»белем бирү акциясе узды. Бөтендөнья акциясенә Эзмә авыл җирлегендә дә кушылдылар. Әлеге чарада Эзмә  урта мәктәбе укучылары, ата-аналар, бюджет оешмалары җитәкчеләре катнашты.

Саба муниципаль районының Эзмә авыл җирлегендә Эзмә, Иләбәр һәм Олыяз  авылларының  урам юллары  ремонтланды.  Эшне "Рамазан" ҖЧҖ һәм  "Сабинское МПП ЖКХ" АҖ башкарды.

   Пукәл авыл клубы хезмәткәрләре ,«Ак калфак» ял клубына йоруче апаларыбыз белән, «Яшьлек» яшьләр спорт үзәге оештырган «Ягез әле, әбиләр!» күңелле стартлар уенында катнаштылар.

Эзмә авыл җирлегенең бюджет учреждениеләрендә «Өлкәннәр көненә» багышланган чаралар булып узды.

Пүкәл авыл клубы һәм китапханәсе хезмәткәрләре, авылдашлары өчен,  Явлаштау-Саба-Лесхоз маршруты буенча экскурсия оештырдылар. Апаларыбыз булган һәр җирдән бик кәнагать калдылар, яшьлек елларын искә алып, күңелләрендәге хәтирәләрен яңарттылар.  Алар бу экскурсияне уйлап табучыларга, оештыручыларга үзләренең  рәхмәт сүзләрен җиткерделәр.