ЯҢАЛЫКЛАР

Татарстан Республикасы Урман селекция-орлыкчылык үзәгенең микроклональ вегетатив үрчетү лабораториясендә республиканың урман фонды территориясендәге Себер һәм Европа чыршысының плюс агачларын ачыклау эшләре башланды.

Лесхоз мәдәният йортында Россия Федерациясе Дәүләт флагы көне уңаеннын уен-квест үткәрелде.  

15 нче август көнне Лесхоз мәдәният йорты хезмәткәрләре балалар белән «Тизрәк, югарырак, көчлерәк» дигән исем астында хәрәкәтле уеннар оештырдылар һәм үткәрделәр.

Балык тоту-бөтен дөнья буенча иң популяр мавыгуларының берсе, борынгы гореф-гадәтләргә хөрмәт күрсәтү һәм үсеш алуның менә дигән ысулы. Кешеләр ял итәргә елга ярына бара — алар, һичшиксез, үзләре белән кармак һәм башка тиешле аксессуарлар ала. Балыкчыларга һава торышы да, сезоннар да комачауламый. Лесхоз мәдәният йорты хезмәткәрләре 8 нче августа Нургали мәчете белән берлектә балык тоту буенча шөгыль оештырдылар һәм үткәрделәр. Без балаларга травмаларны булдырмау турында, кармакны ничек итеп, җай белән суга салу турында сөйләдек. Табигать кочагында балаларга бик күңелле булды, алар рәхәтләнеп ял иттеләр, балык тоту серләренә төшенделәр, үзләре дә балык тотып карадылар.

10 нчы августта Лесхоз мәдәният йорты хезмәткәрләре, балалар белән сабантуй мәйданында хәрәкәтле уеннар уйнадылар. Балаларның күңелләре күтәренке, кәефләре шәп иде. Уеннар ахырында истәлекле бүләкләр өләшенде. Алар саф һавада рәхәтләнеп ял иттеләр, шатланышып, өйләренә таралыштылар.

10 август көнне Байлар Сабасында Физкультурниклар көненә багышланган спорт уеннары булды. Ярышта Мишә авыл җирлеге командасы пляж волейболында 1 нче урын алды.Молодцы! Котлыйбыз егетләр!

Мишә авыл җирлегендә төзекләндерү эшләре дәвам итә. 

Уен бала тормышында мөһим роль уйный. Уенда бала үзен ничек күрсәтә – ул үскәч тә шундый була.

1 август көнне Лесхоз мәдәният йортында  Мишә авыл җирлегенең халык  җыены  үткәрелде.

31 нче июль көнне  Кукмара муниципаль районының Лубян авылында "Лубян урман-техника көллияте" ДБҺБУ базасында Татарстан Республикасы мәктәп урманчылыкларының III слетын ябу тантанасы булды

2019 елның 22 нче августыннан 27 нче августына кадәр Татарстан Республикасы башкаласы Казан, беренче тапкыр «Ворлдскиллс» стандартлары буенча һөнәри осталык буенча 45-нче дөнья чемпионатын кабул итәчәк.