ЯҢАЛЫКЛАР

"Безнең ишегалды" Республика программасы буенча Төзүчеләр урамын төзекләндерү эшләре дәвам итә.

Шәмәрдән авылында Төзүчеләр урамы, 8 нче йорт адресы буенча кар тоткычлар урнаштырылды.

18 июльдә «Тулган ай» фольклор коллективы «Балкыш» социаль-тернәкләндерү үзәгендә «Ә җырларым һаман яшь килеш» хәйрия концерты үткәрде. Концерт программасы күңелле булды. Программада халык җырлары, матур шигырьләр яңгырады,  халык милли уеннары уйналды. Ахырда ял итүчеләр әлеге чараны оештыручыларга рәхмәт белдерделәр. 

Шәмәрдән авыл җирлегенең Мичәнбаш авылында су күтәрү манарасын урнаштыру буенча әзерлек эшләре бара. Эшләрне «Шәмәрдән ТКХ МПП» АҖ алып бара.

Шәмәрдән мәдәният йорты хезмәткәрләре өр-яңа проект буенча «Гомерләр кайтавазы» дигән эш башладылар. 

Ирләр командалары арасында футбол буенча Саба муниципаль районы Чемпионаты тәмамланды. Турнир нәтиҗәләре буенча «Яшлек» командасы беренче урынны яулады. Команданы җиңүләре белән котлыйбыз һәм алга таба да уңышлар телибез!

Шәмәрдән авыл җирлеге зиратында чираттагы өмә узды. 

12 июль көнне Шәмәрдән мәдәният йорты белгечләре Иван-Купала көненә багышланган «Волшебство Купальской ночи» күңел ачу программасын оештырдылар. 

11 июньдә Шәмәрдән авыл җирлегендә язгы кыр эшләре тәмамлану бәйрәме – Сабантуй узды. Рәсми өлештә Саба муниципаль районы башлыгы урынбасары Р.Р. Закирҗанов, авыл җирлеге башлыгы А. К. Вәлиев котлау сүзе белән чыгыш ясадылар. Сабантуй кысаларында төрле спорт һәм халык уеннары үткәрелде. Бәйрәм дәвамында мәдәният хезмәткәрләре, сәнгать үзешчәнлегендә катнашучылар һәм чакырылган кунаклар башкаруында җырлар яңгырады.

6 июньдә Шәмәрдән мәдәният йорты хезмәткәрләре , «Тулган ай» фольклор коллективы белән берлектә «Яшьлек һәрчак дәшә үзенә» дип исемләнгән кичке уен үткәрделәр. Чара башында мәдәният йорты хезмәткәрләре татар халкының гореф-гадәтләре һәм йолалары тарихы белән таныштырдылар. Кичә барышында татар халык уеннары күрсәтелде. Уеннар матур җырлар һәм гармун астында биюләр белән үрелеп барды. Кич җылы һәм дуслык атмосферасында узды.