ЯҢАЛЫКЛАР

Тузган  сарайларны , йортларны сүтү - авыл җирлекләрендә көнүзәк мәсьәлә булып тора.

Бүгенге көндә Югары Симет авылында , хуҗалары тарафыннан 1 тузган йорт, 3 сарай, Түбән Симет авылында 1 сарай сүтелде.

25 июль көнне Югары Симет мәдәният йортында «Яхшы кәеф дулкынында " исемле чираттагы ачык һавада урам концерты булды. Концертта Мишабаш, Иске Мичән, Тимершык, Кызыл Мишә мәдәният йортлары һәм Түбән Симет, Өтернәс, Пукәл, Кибәче авыл клубы хезмәткәрләре катнашты. Алар тамашачыларга күңел җырлары һәм матур кәеф бүләк иттеләр! Ә тамашачылар аларны көчле алкышлар белән бүләкләделәр, артистларга рәхмәт белдерделәр. Концерт бер сулышта узды һәм барлык катнашучыларга җәйге якты хисләр бүләк итте!

Югары Симет урта мәктәбе укучылары җәйге ялларын хезмәт белән үткәрәләр. Алар җирлек биләмәсендә урам-тыкрыкларның печәнен чабалар, мәдәният йорты тирәләрен чисталыкта тоталар, Җаваплылыгы чикләнгән “Симет” җәмгыятендә төрле эшләр башкаралар.

«Симет» ҖЧҖендә бар куәткә терлек азыгы әзерләү бара. Бүгенге көндә сенаж өчен берьеллык үлән культураларын җыялар. Барлык хезмәткәрләр дә һава торышы яхшы булудан файдаланып, терлек азыгын җитәрлек күләмдә әзерләргә тырышалар. Аларга уңышлар телибез!

Соңгы елларда мондый йолалар, капка төбендә кичке утырулар онытыла башлады. Яшьләр өчен бу ят булса да, өлкәннәр яхшы хәтерли: элек кич җитү белән авыл халкы кич утырырга җыела иде. Анда соңгы яңалыклар, алда торган эшләр турында фикер алышканнар, аннары күңел ачулар башланган. Бу традицияләрне яңарту өчен, Югары Симет мәдәният йорты хезмәткәрләре авылның иң матур йорты янында кич утыру оештырдылар. Катнашучылар борынгы җырлар җырладылар, күңелле халык уеннары уйнадылар һәм конкурсларда катнаштылар. Үзләренең моңарчы күрелмәгән яңа талантларын ачтылар. Бу җылы очрашу һәркемгә ошады.

Югары Симет урта мәктәбе укучылары җәйге практиканы мәктәп яны участогында узалар. Алар мәктәп ашханәсе өчен яшелчә һәм җиләк-җимеш әзерләргә булышалар. Шулай ук матур чәчәкләр дә үстерәләр. Хәзерге вакытта кызыл һәм кара карлыган җыю эшләре башланды.

Гаилә, мәхәббәт һәм тугрылык көненә багышланган бәйрәм уңаеннан Югары Симет мәдәният йорты хезмәткәрләре «Гаилә, мәхәббәт һәм тугрылык» исемле гаиләләр өчен ял кичәсе үткәрделәр.

22 июньдә бөтен илебез Бөек Ватан сугышы башлану кайгылы көнен билгеләп үтә. Бу көнгә Югары Симет мәдәният йорты һәм китапханә хезмәткәрләре, авыл җирлеге башлыгы Әхмәдуллин И.Р., Югары Симет урта мәктәбе укучылары һәм укытучылары «Хәтер шәме» Бөтенроссия акциясенә кушылдылар. «Хәтер шәме» һәм «тынычсыз тормыш вакыйгалары» акцияләре, беренче чиратта, өлкән туганнары сөйләве буенча Бөек Ватан сугышы тарихын үсеп килүче буынга юнәлдерү. Ата-бабаларыбызның каһарманлыгы үрнәкләре яшь замандашларында аларның Россия тарихына, Ватанны саклаучыларның батырлыгына һәм фидакарьлегенә мөнәсәбәтен формалаштырырга тиеш. Акциядә катнашучылар белән бергә шәмнәр кабыздылар һәм бер минут тынлык белән Ватан өчен сугышта һәлак булганнарны искә алдылар.

Югары Симет урта гомуми белем бирү мәктәбе укучылары авыл җирлеге биләмәсендә җәмәгать урыннарының һәм урамнарының тиешле санитар һәм эстетик торышын саклау өчен үлән чабу эшләрен дәвам итәләр.⠀Үлән чабу аның үсеш чоры дәвамында сезонга берничә тапкыр даими чабылачак.

12 июньдә илебездә бердәмлек һәм Ватаныбызның бүгенгесе һәм киләчәге өчен уртак җаваплылык символына әверелгән Россия көне билгеләп үтелә. Әлеге бәйрәм уңаеннан Югары Симет мәдәният йорты һәм китапханә хезмәткәрләре балалар өчен «Россия-минем илем» дигән патриотик сәгать үткәрделәр.