ЯҢАЛЫКЛАР

18 август  көнне Чулпыч авылында “Авыл көне” булып узды. Авыл янындагы киң мәйданда көне буе  җырлар яңгырап торды.

17 август  көнне Оет авыл мәчетендә Корбан ашы мәҗлесе үткәрелде. Мәҗлескә авыл халкы, кайткан кунаклар, балалар -  100дән артык кеше җыйналды.

Олы Шыңар авыл җирлеге буенча “ Чиста Яр” акциясе кысаларында Олы Шыңар авыл суы тирәлеген чистарту буенча өмә уздырылды. Өмәдә Олы Шыңар урта мәктәбендә эшләүчеләр  катнашты.

Оет авыл клубы китапханә белән берлектә "Су буена сәяхәт" исемле экологик дәрес үткәрде. Чара барышында авылыбызның чишмәләре, инеш - күлләре, Мишә елгасы, аларның экологик халәте турында мәгълүмат бирелде, сулыкларны саклауның зарурлыгы турында әңгәмә үткәрелде.

Олы Шыңар авыл җирлегенә караган торак пунктларда халыктан җыйналган үзара салым хисабына авыл юлларын ремонтлау эшләре башланды.

4 август көнне Кече Шыңар мәдәният йортында студент – яшьләрнең концерт – тамашасы булып узды.

4 август көнне Оет авылында Оет авыл клубы хезмәткәрләре  "Әй ямьле син, гүзәл туган ягым!" дип исемләнгән урам концерты оештырды.

30 июль көнне Саба районы Чулпыч авылы янында төзелеп килүче  2400 баш терлеккә исәпләнгән югары технологияле роботлаштырылган комплекс төзелешенең торышын карау буенча Саба муниципаль районы башлыгы  Рәис Нургали улы Минниханов, Татарстан Республикасы авыл хуҗалыгы министры М.Г.Ахметов; Саба районы авыл хуҗалыгы идарәсе начальнигы Г.Х.Хасаншин;  ООО «ПМК» директоры Маковеев Константин Владимирович катнашында төркем булып китте

29 июль  көнне Кече Шыңар мәдәният йортында  Олы Шыңар авыл җирлегенең халык  җыены  үткәрелде.Җыенда Саба муниципаль районы башлыгы  Рәис Нургали улы Минниханов, Саба муниципаль  районы башлыгы урынбасары Расих Рахимҗан улы Закирҗанов, Саба  җирле бүлекчәсе берәмлегенең “Бердәм Россия” сәяси партиясенең  башкарма сәркатибе Фәрит Хәйдәр улы Зарипов, төрле оешмаларның бүлек җитәкчеләре катнашты

25 июль көнне Кече шыңар мәдәният йорты хезмәткәрләре Лесхоз картлар йортында “Туган як моңнары” дип аталган концерт программасы белән чыгыш ясадылар