ЯҢАЛЫКЛАР

Түбән Шытсу авыл җирлегендә чүп үләннәрен чабу эше башкарылды. Трактор техникасы белән булышлыкны ООО "СХП Шытсу" җәмгыяте күрсәтте. 

12 июль көнне Елыш авылында балалар өчен Сабантуй үткәрелде. Мәйданда җыр-бию, кызыклы уеннар бер берсе белән үрелеп алып барылды. Балалар белән өлкәннәрдә күңелле ял итте. Бәйрәм чарасыннан беркемдә бүләксез кайтмады. Барлык оештыручыларга һәм иганәчеләргә зур рәхмәт!

13 июль көнне Ижау шәһәрендә бадминтон сөючеләр арасында ярыш булып узды. Ярышта Ижау, Екатеринбург, Уфа, Түбән Кама шәһәрләреннән барлыгы 41 уенчы катнашты. Катнашучылар ике төркемгә бүленде. Беренче төркемдә җиңүче булып Мәүлетов Б.М. танылды. Котлыйбыз!

Федераль программа нигезендә Елыш авылы аша узучы региональ юлны яктырту буенча эшләр төгәлләнеп килә. Гомуми озынлыгы 2.1 км.булган юл яктыртылачак. Эшне ООО "Спектр" оешмасы башкара. Яхшы яктыртылган юл, автомобиль йөртүчегә шулай ук җәяүлеләр өчен төнге сәгатьләрдә зур уңайлыклар тудыра. 

Югары Шытсу авылында 28 июнь яшьләр көне уңаеннан кызлар арасында волейбол уены үткәрелде. Иптәшләрчә очрашуда уеннар бик матур барды. Ярыш, көч сынашу үзара җанлы аралашу, шаярулар белән үрелеп барды. Ярыш нәтиҗәләре буенча барлык командалар истәлек бүләкләренә ия булдылар. Ахырдан мәдәният хезмәткәрләре ярдәме белән дискотека оештырылды.

Елыш авылында 28 июнь көнне балалар Сабантуе өчен бирнә җыю оештырылды. Бирнә җыюда яшьләр, балалар бик теләп катнаштылар. Балалар Сабантуе Елыш авылында ел саен матур итеп үткәрелә. Авыл халкы, балалар әлеге бәйрәмне бик көтеп алалар. Бирнә җыюда катнашучыларга, авыл халкына зур рәхмәт. 

ООО "СХП Шытсу" җәмгыятендә кызу теплар белән малларга азык әзерләү эше бара. Узган елллар белән чагыштырганда уңыш агымдагы елда яхшырак. Авыл хуҗалыгы хезмәтчәннәренә исәнлек саулык, эшләрендә уңышлар телибез!

Түбән Шытсу авылында "Хәтер шәме" акциясе үтте. Ата-бабаларыбызның каһарманлыгы үрнәкләре яшь замандашларында аларның Россия тарихына, Ватанны саклаучыларның батырлыгына һәм фидакарьлегенә мөнәсәбәтен формалаштырырга тиеш. Акциядә катнашучылар белән бергә шәмнәр кабыздылар һәм бер минут тынлык белән Ватан өчен сугышта һәлак булганнарны искә алдылар.

Елыш авылы зиратында чүп үләннәрен чабу буенча өмә үткәрелде. Өмәдә авыл халкы бердәм рәвештә актив катнашты. Зират чүп үләннәреннән, корган агач боткаларыннан чистартылды. Өмәдә катнашкан авыл халкына зур рәхмәт!

Федераль программа нигезендә Елыш авылы аша узучы региональ юлны яктырту буенча эшләр бара. Гомуми озынлыгы 2.1 км.булган юл яктыртылачак. Эшне ООО "Спектр" оешмасы башкара. Яхшы яктыртылган юл, автомобиль йөртүчегә шулай ук җәяүлеләр өчен төнге сәгатьләрдә зур уңайлыклар тудыра.