ЯҢАЛЫКЛАР

Сатыш авылының Матросов урамындагы күперне ремонтлау эшләре алып барыла. Бүгенге көндә күпер өстенә асфальт салына.  Эшне "Базовый проект" ҖЧҖ подрядчысы башкара.

1 сентября в МБОУ «Сатышевская СОШ им. Ш.З.Зиннурова» состоялось торжественное мероприятие ко Дню знания. В 1 класс поступили 13 учеников. Всего в школе будут учиться 134 учеников. Всем ученикам нашей школы желаем усердно учиться, а учителям желаем в их нелегком труде удачи!

Сатыш авыл җирлеге торак пунктлары территориясендә җирле әһәмияттәге автомобиль юлларын ремонтлау эшләре алып барыла. Эшләр «Рамазан» ҖЧҖ подряд оешмасы тарафыннан гражданнарның үзара салымы хисабына башкарыла. "Рамазан" ҖЧҖ хезмәткәрләренә сыйфатлы хезмәтләре өчен рәхмәт белдерәбез.

30 нчы август көнне Бигәнәй мәдәният йортында авыл китапханәсе белән берлектә балалар белән «Чәчәк ат, Татарстаным» дигән тематик сәгать үткәрелде. 

Сатыш авыл җирлеге «Чәчәкле Саба-2024» конкурсында район авыл җирлекләре арасында 1 урынны алды. Конкурсны оештыручылар территорияләрне яшелләндерүнең югары дәрәҗәдә булуын, иҗтимагый киңлекләрнең каралган булуын һәм халыкның торак пунктларны төзекләндерүгә креатив якын килүен билгеләп үттеләр.

27 август көнне Сатыш авыл җирлегендә гражданнар җыены булып узды. Җыенда Татарстан Республикасы, Саба муниципаль районы һәм Сатыш авыл җирлеге белән бәйле видеороликлар каралды. Көн тәртибенә түбәндәге мәсьәләләр кертелде: 2020-2025 еллар аралыгында җирлектә башкарлылган эшләр; Киләсе биш еллыкта хәл ителәсе мәсьәләләр һәм халыкның тәкъдимнәре, сораулары. Җирлек башлыгы Шфигуллин Ф.Ф.. соңгы биш елда башкарылган эшләргә анализ ясады. Район башлыгы урынбасары Закирзянов Р.Р. халыкка башкарылган эшләре өчен рәхмәт белдерде һәм 14 нче сентябьдә буласы сайлауларда актив катнашашырга чакырды.

Сатыш авылында ир-атлар командалары арасында "Сатыш авыл җирлеге Кубогы"на мини-футбол буенча турнир булып узды. Турнирда Саба муниципаль районыннан 5 команда катнашты.

Ир-атлар арасында:

1 урын- Юлбат авылы командасы;

2 урын- Сатыш-1 авылы командасы;

3 урын- Сатыш-2 авылы командасы;

4 урын- Икшермә авылы командасы;

5 урын- Сатыш- мәктәп командасы яулады.

Турнирны оештыруда ярдәм иткәннәре өчен Сатыш авылы яшьләренә, ООО "Саба" Сатыш бүлекчәсе җитәкчесе- Шаймарданов Раиль Рафиковичка, Билалов Адель Альбертовичка, Габдракипов Рамильгә, Шаймарданов Рамиль Рафиковичка, Галлямов Флорид Фаритовичка рәхмәтебезне белдерәбез.

Казанчы- Бигәнәй авыл китапханәсе мәдәният йорты белән берлектә үз укучылары өчен «Россиянең бөек символлары» дигән мәгълүмат сәгате үткәрделәр. Чарада катнашучы балалар флагның борынгы заманнардан бүгенге көнгә кадәрге тарихы белән таныштылар. Алып баручылар "триколор" ның һәр төсенең әһәмияте турында сөйләделәр. Аннары балалар викторина сорауларына җавап бирделәр, дәүләт символлары турындагы табышмакларга җаваплар бирделәр, Ватан турында шигырьләр укыдылар.

23 нче август көнне Сатыш авыл җирлеге балалар командалары арасында "Сатыш авыл җирлеге Кубогы"на мини-футбол буенча турнир булып узды. Турнирда җирлектән 3 команда катнашты.

Укучылар арасында җиңүчеләр:

1 урын- Сатыш яшьләре;

2 урын- Яшьлек;

3 урын- Реал-Сатыш. 

Турнирны оештыруда ярдәм иткәннәре өчен Сатыш авылы яшьләренә, ООО "Саба" Сатыш бүлекчәсе җитәкчесе- Шаймарданов Раиль Рафиковичка, Билалов Адель Альбертовичка, Габдракипов Рамильгә, Шаймарданов Рамиль Рафиковичка, Галлямов Флорид Фаритовичка рәхмәтебезне белдерәбез.

20 августта Бигәнәй мәдәният йорты һәм китапханә хезмәткәрләре балалар белән "Туган ягым" экологик сәгате үткәрделәр.