ЯҢАЛЫКЛАР

Гипстан  сыннар ясау һәм аларга төрле бизәкләр төшерү - балалар өчен бик файдалы , мавыктыргыч һәм кызыклы  шөгыль. Бу сыннарны буяу балаларда   пөхтәлек  һәм төгәллек күнекмәләрен  булдыруга ярдәм итә.  Гипстан ясалган сыннар авырлыклары һәм үлчәмнәре буенча төрле була, шуңа күрә иң кечкенә яшьтәге  балалар да бу эшкә алына ала. Аларны буяу  балаларда   язу, буяу , мускуллар хәрәкәтен координацияләү күнекмәләрен формалаштыра. Сатыш авылы мәдрәсә музеенда Пушкин картасы  проекты буенча  гипстан сыннар ясау һәм бизәк төшерү буенча мастер класс оештырылды.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечәр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Сатыш авылында белгечләр өчен чираттагы йорт төзелде.

Сатыш авыл җирлеге үзешчәннәре 14 ноябрь көнне Тенеки авыл клубында "Туган җиргә кайтты кайтмаганнар "Хәтер китабы"на төренеп" дип исемләнгән концерт куйды. Әлеге концерт Бөек Җиңүнең 80 еллыгына багышланды. Җыр-бию, милли уен кораллары белән чыгыш ясау һәм башка сәнгать төрләре тамашачы күңеленә хуш килде. Барлык катнашучыларга рәхмәт белдерәбез!

Казанчы-Бигенәй авылында җирләү урыннарының һәм аның тирәсендәге территорияләрнең торышын яхшырту буенча актив эш алып барыла. Хәзерге көндә авыл халкы тырышлыгы белән зират коймасы янартыла. 

Сатыш авыл җирлеге командасы тулы составта "Саба таңнары" газетасы призына ир-атлар арасында көрәштә катнашты. 12 команда арасыннан 6 урын алды. 
Урыннар:
1 УРЫН- Фархуллин Раниль (65 кгга кадәр);

1 УРЫН- Гараев Салават (85 кгга кадәр);
1 УРЫН- Гарипов Язнур (90 кгга кадәр);

Бигәнәй мәдәният йортында китапханә белән берлектә балалар өчен «Күңелле уеннар» конкурс-уен программасы үткәрелде . Уен программасы-бала өчен ял итү, көч җыю мөмкинлеге ул. Программа балаларның күңел күтәренкелеге һәм уңай хис-кичерешләр алуына юнәлдерелгән иде.  Чара кызыклы һәм күңелле узды, балалар актив уйнадылар, сорауларга җавап бирделәр, эстафеталарда катнаштылар. Яңгыравыклы көлү, балаларның бәхетле йөзләре-китапханәдә шундый җанлы атмосфера хөкем сөрә иде. Бердәм уйнадык! Барысының да кәефе күтәренке иде! Ә балаларның сокланудан бәхетле күзләре-бәйрәмне оештыручыларга иң яхшы бүләк. Программа ахырында барысы да актив катнашулары өчен татлы призлар алды.

8 ноябрьдә Россиядә Россия Федерациясе Эчке эшләр органнары хезмәткәрләренең хезмәт вазыйфаларын башкарганда һәлак булганнарны искә алу көне билгеләп үтелә. Әлеге истәлекле дата уңаеннан 6 нчы сыйныф укучылары өчен тәрбия буенча директор киңәшчесе А.М. Шакирова тарафыннан "Тормыш хакына батырлык" дигән батырлык дәресе үткәрелде.

Казанчы Бигәнәй авыл китапханәсендә мәдәният йорты белән берлектә "Без халык һәм Без бердәм!» дип исемләнгән тарихи сәгать үткәрелде.Китапханәче балаларны бәйрәмнең барлыкка килү тарихы, ата-бабаларыбызның Ватан бәйсезлеге хакына күрсәткән батырлыклары,шулай ук бәйрәм итүнең традицияләре,Россия өчен әһәмияте белән таныштырды. Чарада катнашучылар Ватанның данлыклы уллары Дмитрий Пожарский һәм Кузьма Минин турында белделәр. Ишетелгәннәрне һәм күргәннәрне ныгыту өчен балалар белән викторина үткәрелде, шулай ук балалар уеннарда актив катнаштылар, анда борынгы Русь урнашкан һәм Россия Федерациясе чагылган  сүзләрне чиштеләр.

Казанчы  Бигәнәй авылы китапханәсендә мәдәният йорты белән берлектә «Ак калфак» клубы әгъзалары белән «Татар ашлары серләре» түгәрәк өстәле артында халык кухнясы серләре белән уртаклаштылар. . Чара барышында  катнашучылар белән татар кухнясы татар халкының гомуми мәдәни һәм көнкүреш традицияләре, аның тарихы, яшәү рәвеше һәм хуҗалык алып бару ысуллары белән тыгыз бәйләнгәне турында сүз алып барылды. Түгәрәк өстәл артында һәр хуҗабикә татар ашларының милли ризыкларын әзерләү серләре белән уртаклашты.

22 октябрьдә Иван Алексеевич Бунинның тууына 155 ел уңаеннан Сатыш авыл китапханәсендә китап күргәзмәсе эшләде. Әлеге күргәзмәне эш көне дәвамында карарга була иде һәм шунлыктан һәркем үзенә уңайлы вакытта олуг язучының әсәрләре белән таныша алды.